VOV4.Êđê - Hlăm klei blŭ hrăm êlan đĭng blŭ mơ̆ng khua phŭn bruă tuh tia Nguyễn Hồng Diên hŏng khua phŭn bruă mnia blei Trung Quốc Vương Văn Đào, khua phŭn bruă tuh tia Nguyễn Hồng Diên mâo klei akâo kơ Trung Quốc ngă brei dŭm klei găl dưi găn băng jang knông lăn kơ dŭm mnơ̆ng dhơ̆ng mơ̆ng bruă lŏ hma, kan hdang mơ̆ng Việt Nam dưi ba čhĭ kơ ala čar Trung Quốc êjai găn băng jang knông lăn Việt Nam - Trung Quốc. boh nĭk jing dŭm mnơ̆ng dhơ̆ng dôk hlăm bruă hrui pĕ msĕ si: boh vải, boh êrang, boh soai... khua phŭn bruă mnia blei Trung Quốc Vương Van Đào brei thâo, tĭng Trung Quốc ăt mtrŭt mjhar lehanăn mâo klei mprăp lŏ mđĭ bruă blei mnơ̆ng dhơ̆ng mơ̆ng Việt Nam. Tĭng Trung Quốc ngă leh 10 anôk bi mklin boh kroh, 4 anôk bi mklin mơ̆ng ƀơ̆ng huă hlăm dŭm ƀăng jang knông lăn tĭng Trung Quốc čiăng đru bi mklin dŭm mnơ̆ng dhơ̆ng dôk hrui pĕ ti ala čar Việt Nam.