VOV4.Êđê- Hŏng klei tŭ dưn jăk hlăm hdră lông ba yua, lu klei čang hmăng vaccin Nano Covac gang mkhư̆ klei ruă Covid-19 tal êlâo mơ̆ng Việt Nam mĭn tĭng srăng dưi mkăp brei ba yua hlăm boh klei mjêč hlăm mlan 9 thŭn anei. Vắc xin Nano Covax kyua Sang hră bi hriăm aê mdrao kahan ksiêm hriăm, hgao leh 2 wưng lông ba yua. Êlâo anăn, wưng 1 dưi hluê ngă hlăm mlan 12/2020 hŏng 560 čô ngă bruă čiăng lač kơ hnơ̆ng êđăp ênang kơ mnuih, wơng tal 2 mơ̆ng mlan 2 thŭn anei lông tlŏ kơ 554 čô mnuih čiăng lŏ dlăng kơ klei jăk leh anăn ksiêm dlăng mta dưi mdrơ̆ng hŏng kman Sars- Cov-2.  Jih 2 wưng mâo klei tŭ jăk. Hlăm mlan 6 anei srăng lông tlŏ wưng 3 vaccin anei hŏng 13 êbâo čô mnuih leh anăn ba yua hnơ̆ng ƀiă hĭn 25mcrogam.  Hdră kñăm klei lông ba yua wưng tal 3 kñăm lŏ dơ̆ng lač kơ klei êđăp ênang, tŭ dưn răng mgang mơ̆ng vaccin hlăm êpul êya mâo klei ruă tưp. Ară anei, Sang hră bi hriăm aê mdrao kahan leh anăn dŭm anôk bruă djŏ tuôm hlăk mjêč ngă dŭm bruă lông ba yua pral. Jih jang bruă dưi ngă djŏ tui si klei mtă, hnơ̆ng čuăn quốc tế. Mơ̆ng tur knơ̆ng anăn, Phŭn bruă mdrao mgŭn mâo djăo tur knơ̆ng kreh knhâo dưi mkăp hră djă yua mjêč, ba yua mâo klei dưi vaccin Nano Covax ti ala čar drei.

Pô mblang: H’Zawut Ƀuôn Yă