VOV4.Êđê - Hrue mbrue (3/8), Khua phŭn bruă kahan ksiêm Tô Lâm mâo leh klei bi blŭ hrăm hlăm online hŏng k’iăng khua knŭk kna-khua phŭn bruă ksiêm dlăng ala čar Campuchia Samdech Krolahom Sar Kheng. Khua phŭn bruă kahan ksiêm Tô Lâm mñă khădah boh klei dlông rŏng lăn lehanăn hlăm alŭ wăl dleh dưi ksiêm dlăng mơ̆ng klei ruă tưp covid 19, ƀiădah hlăm klei bi mguôp dua nah plah wah Việt Nam lehanăn Campuchia mâo leh phung khua prŏng dua ala čar dlăng yuôm.

Jih jang bruă bi kčĕ đru, bi blŭ hrăm ăt dôk ngă nanao, hgŭm hlăm bruă răng mgang klei êđăp ênang, hlăm bruă lĭng kahan plah wah dua nah. Kơ hdră hgŭm hlăm wưng kơ anăp, Khua phŭn bruă Tô Lâm lehanăn Samdech Krolahom Sar Kheng lač, dua nah lŏ dơ̆ng hyuă kjăp hĭn klei bi mguôp riêng gah jăk siam, hgŭm mbĭt mơ̆ng đưm, hgŭm bruă kluôm dhuôm, hŏng klei kjăp nanao, mđĭ hĭng klei thâo bi đru hdơ̆ng găp hlăm djăp mta klei ti anôk bi kƀĭn hŏng tač êngao lehanăn hlăm alŭ wăl ASEAN./.

Y Khem pô mblang