VOV4.Êđê - Lŏ dơ̆ng mâo hnơ̆ng vaccine AstraZeneca hŏng êbeh 1 êklăk 4 êtuh êbâo aruăt truh leh ti ƀuôn prŏng Hồ Chí Minh. Anei jing gưl jao tal 10 leh anăn 11 hlăm klei kuôl kă akâo blei êlâo 30 êklăk aruăt vaccin AstraZeneca leh anăn Knơ̆ng bruă Vaccine Việt Nam (VNVC). Klei kuôl kă anei ba akŏ Việt Nam giăm 8 êklăk 2 êtuh êbâo aruăt hlăm ênoh 17 êklăk aruăt vaccin Astra Zeneca mkăp hlăm hdră VNVC, Klei bhiăn Covax leh anăn đru plah wah knŭk kna dŭm ala čar. Vaccin mơ̆ng AstraZeneca ară anei mâo hlăm brô 64% phŭn mkăp vaccin hlăm kluôm ala. Êngao kơ bruă ba jao amâo mă prăk jih jang 30 êklăk aruăt vaccin anei kơ Phŭn bruă mdrao mgŭn, VNVC ăt ƀuăn rơ̆ng đru, tla djăp prăk mâo hlăm hdră blei, mă, ba jao vaccin, mĭn tĭng truh dŭm êtuh êklai prăk.

H Zawut pô mblang