VOV4.Êđê - Aguah anei, hruê 15/3, vaccine tal 2 mâo Việt Nam mkra mjing klă klơ̆ng dưi ba yua wưng tal 1. Anei jing vaccine COVIVAC mơ̆ng Anôk bruă vaccine lehanăn mnơ̆ng yua hlăm bruă mdrao mgŭn Nha Trang (IVAC). Hdră lông tlŏ srăng mâo IVAC bi hgŭm hŏng Sang hră Đạo học Y Hà Nội lehanăn Knơ̆ng ksiêm dlăng kman klei ruă tưp gưl dlông hluê ngă. Tĭng wưng tal 1 srăng tlŏ kơ êbeh 120 čô mâo klei suaih pral mơ̆ng 18 truh kơ 75 thŭn, kah mbha jing 5 êpul. Hlăm anăn, 4 êpul ba yua hnơ̆ng vaccine 1mcg (micrôgam), 3mcg, 10mcg lehanăn 1mcg. Sa êpul dưi tlŏ mta êa drao mkăn čiăng tĭng dlăng mkă hŏng 4 êpul tlŏ mkăn. Grăp čô dưi tlŏ 2 aruăt, kbưi 28 hruê. Êlâo kơ tlŏ, boh tŭ ksiêm bi mklă ti mnơ̆ng rông hlăma adŭ ksiêm dlăng dưi ba wwĭt leh klei tŭ dưn, êđăp ênang./.

H’Nêč pô mblang