VOV4.Êđê- Mlam hrue 26/5, ti sang Quốc hội, Êpul khua bi ala Quốc hội Việt Nam nao hgŭm hlăm bruă pŏk klei bi kƀĭn bruă kƀĭn ala tar rŏng lăn tal 142 hlăm hdră trự tuyến. Êpul bi ala Quốc hội Việt Nam mâo k’iăng khua Quốc hội Trần Thanh Mẫn ngă khua êpul nao hlăm klei trông čhai kluôm hŏng akŏ “Găn bi dưi klei ruă tưp ară anei, lehanăn mkŏ mjing kơ klei hdĭp mgi dih jăk siam hĭn: Bruă klam mơ̆ng djăp bruă kƀĭn ala”.

Klei blŭ ti anôk trông čhai, K’iăng khua Quốc hội Trần Thanh Mẫn lač: Hŏng ai tiê Mdrơ̆ng hŏng klei ruă tưp msĕ si bi kdơ̆ng hŏng roh”, Việt Nam ngă leh jih ai tiê, hŏng klei pral, iêu jak jih bruă kđi čar, hŏng klei kut kat, sa ai jih jang phung ƀuôn sang. Việt Nam ngă mơh bru mdua mdrơ̆ng hŏng klei ruă tưp, răng kriê klei suaih pral phung ƀuôn sang êjai, lehanăn krŭ wĭt bruă duh mkra, rơ̆ng kjăp klei hdĭp mda ala ƀuôn êjai./.

Pô mblang: Y-Khem Niê