VOV4.Êđê - Aguah hruê 14/9, ti anôk bruă Phŭn bruă hŏng tač êngao mkŏ mjing leh Knăm tŭ mă 1,5 êklăk hnơ̆ng vaccine Astra Zeneca gang mkhư̆ Covid 19 mâo knŭk kna Prăng lehanăn Italia đru kơ Việt Nam hluê hŏng klei bhiăn COVAX. Blŭ hrăm ti knăm anei, K’iăng khua phŭn bruă Tô Anh Dũng lač jăk lehanăn bi mni klei đru yuôm bhăn mŏng Knŭk kna lehanăn mnuih ƀuôn sang Prămg hŏng Italia, đru mguôp klă sĭt kơ hdră gang mkhư̆ klei ruă Covid 19 ti Việt Nam. Anei jing klei bi êdah kơ hdră đĭ kyar pral, jăk siam hlăm klei bi mjĕ ƀĭng hgŭm phŭn plah wah Việt Nam hŏng Prăng lehanăn Italiahlăm dŭm thŭn êgao ăt msĕ mơh klei bi mjĕ, hgŭm bruă, bi đru hgao klei dleh dlan hlăm wưng bluh mâo klei ruă tưp. K’iăng khua phŭn bruă mdrao mgŭn Trần Văn Thuấn mñă klă srăng hnưm kah mbha hnơ̆ng vaccine anei kơ dŭm alŭ wăl lehanăn rơ̆ng ba yua hŏng klei tŭ dưn./.

H Nêč pô mblang