VOV4.Êđê- Ti anôk bruă mơ̆ng Phŭn bruă mdrao mgŭn mkŏ mjing leh Knăm tŭ mă 250.800 aruăt vaccin mơ̆ng Czech đru kơ Việt Nam čiăng gang mkhư̆ klei ruă Covid-19. Bi ala kơ Knŭk kna Việt Nam, K’iăng Khua phŭn bruă mdrao mgŭn Trương Quốc Cường mơĭt klei bi mni kơ phung khua gĭt gai, knŭk kna leh anăn mnuih ƀuôn sang Czech mơĭt leh 250.800 aruăt vaccine(210.000aruăt AstraZeneca leh anăn 40.800 aruăt Moderna) kơ Việt Nam čiăng gang mkhư̆ klei ruă Covid-19, bi mklă anei jing klei đru yuôm bhăn, klă sĭt leh anăn djŏ mmông hŏng Việt Nam, dlăng anei jing klei bi klă kơ klei bi hgŭm sui, siă suôr dưi ksŭk mbŭ hlăm jih bŏ 70 thŭn ềao plah wah dua ala čar. Truh ară anei, ênoh vaccin Covid-19 truh ti Việt Nam mơ̆ng lu phŭn mdê mdê jing êbeh 27 êklăk aruăt.

Pô mblang: H’Zawut Ƀuôn Yă