VOV4.Jarai – Mơguah lơ 8/12, Grŭp hyu mă bruă mơ̆ng Ding jum đang hmua hăng pơđĭ kyar ƀôn lan dêh čar yua kơ Kơ-iăng Khua Ding jum Nguyễn Quốc Trị ngă Khua Grŭp nao tơña bla, rơngôt hrŏm hăng sang anô̆ pô wai lăng pơgang glai klô Kual pơgang glai klô Ea Sô (Dak Lak) hmâo arăng pơanăh pơdjai lơm dô̆ mă bruă.

VOV4.Jarai – Čơtlăm tom brơi (7/12), ƀơi anih mă bruă Khua mir sir, Kơ-iăng Khua mir sir dêh čar ta Võ Thị Ánh Xuân git gai laih jơnum Khul pơgang keh prăk Čơđai muai Việt Nam hmư̆ tơlơi lăi pơthâo glăi bôh tơhnal ngă tui bruă jao mơ̆ng Keh prăk amăng thun 2023 hăng pok pơhai kơčăo bruă thun 2024.

VOV4.Jarai-Nao pơ kual čư̆ siăng Kon Chiêng, tơring glông Mang Yang, bâo djơ̆ anăn tha plơi ơi Hip djop pô thâo hăng pơpŭ biă mă. Hăng pran jua tơpă laih anun thâo khăp pap, tha plơi ơi Hip ba jơlan hlâo lu bruă mă amăng plơi thun blan rơgao, kiăng ană plơi pla hơmâo tơlơi hơdip mơda trơi pơđao hloh.

VOV4.Jarai-Rơwang hrơi tơjuh rơgao, tơdơi kơ jơnum lok 6 khua mua pơ ala mơnuih ƀôn sang dêh čar tal 15, hyu bưp mơnuih ruah khua ƀơi djop plơi pla, tơring čar. Amăng anun, Kơ-iăng khua pơ ala mơnuih ƀôn sang dêh čar Trần Quang Phương nao bưp mơnuih ruah khua ƀơi Quảng Ngãi hăng lăi pơtă kơ tơlơi soh sat ma túy, rung răng taih amang amăng sang hră. Mơnuih ƀôn sang ruah khua ƀôn prong Hồ Chí Minh lĕ đing nao lu tơlơi, kah hăng ngă tui jơlan hơdră pơdong plơi prong gong gai kơnuk kơna hăng pơgăn ƀong kông ngăn.

VOV4.Jarai – Mơmot lơ 3/12, ƀơi Hà Nội, Ding jum ia jrao dêh čar hăng Keh prăk djru mơnuih ruă bơbrŭ asar “Hrơi pơgi bơngač hloh” pơphun jơlan hơdră bơkơtuai adôh suang, pơjing keh prăk djru mơnuih ruă bơbrŭ asar ƀun rin. Kơ-iăng Khua git gai wai lăng pơ ala mơnuih ƀôn sang dêh čar ta Trần Quang Phương nao pơhmư̆.

VOV4.Jarai - Mơguah anai (2/12), ƀơi Hà Nội pơphun Jơnum yôm Jơnum ruah khua Khul mơnuih mut phung Việt Nam tal 13 rơwang thun 2023-2028 hơmâo rơbêh 100 čô khua pơ ala kơ 11 klăk čô mơnuih amăng khul, mơnuih mă bruă đơ đam dêh čar.

VOV4.Jarai - Bruă dŏ ung mơ̆ng muai bơnai mơ̆ng anet ƀu phrâo ôh samơ̆ ăt dŏ hang amăng tơngia đôč ƀơi tơring glông Đức Cơ, tơring čar Gia Lai pioh glăi lu tơlơi sat răm kơ sang anŏ hăng mơnuih tơpuôl. Ƀơi anăp tơlơi anun, tơring glông Đức Cơ gir ngă abih bang hơdră pơgăn hĭ tơlơi ƀu klă anai.

VOV4.Jarai – Tơlơi pơtŏng sit mơ̆ng Kơ-iăng Khua Ding jum – Kơ-iăng Khua Jơnum min djuai ania Y Thông, Khua Grŭp Việt Nam ƀơi tal jơnum lok 111 mơ̆ng Jơnum min pơkôl jar kơmar sut lui djop tơlơi kah pha djuai ania (CERD) phrâo pơphun ƀơi Geneva, Thụy Sỹ.

VOV4.Jarai – Amăng 3 thun rơgao, Gia Lai hmâo čih pioh rơbêh kơ 2.200 grôp rơkơi bơnai pơdô̆ mơ̆ng muai, amăng anun giăm hmâo 97% mrô grôp rơkơi bơnai lĕ djuai ania ƀiă. Ngă hơget kiăng plai ƀiă tơlơi pơdô̆ rơkơi bơnai mơ̆ng muai, pơdô̆ giăm drah kơtăk? Anai lĕ tơlơi ruai mơ̆ hơdôm grŭp, gơnong bruă, khul, tơring glông, plơi prong ƀơi Gia Lai hmâo gum hrŏm bruă hăng lu jơlan rơđah đông amăng anun hmâo pok pơhai Rơwang bruă anet kơ “Ngă plai ƀiă tơlơi pơdô̆ rơkơi bơnai mơ̆ng muai hăng pơdô̆ giăm drah kơtak amăng kual djuai ania ƀiă rơwang 2021-2025” gah Jơlan hơdră pơkă mơ̆ng dêh čar pơđĭ kyar bơwih ƀong – mơnuih mơnam kual neh wa djuai ania ƀiă hăng kual čư̆ siăng rơwang 2021 – 2030.

VOV4.Jarai – Tơring glông Sa Thầy lĕ anih anom blung a mơ̆ng tơring čar Kon Tum ngă giong bruă pơplih phrâo anăn Khua git gai Ping gah khul hăng ngă rah Khua plơi hăng Khua git gai Ping gah Khul ngă rah Khua Grŭp hyu mă bruă Jơnum min djop djuai ania plơi, tui pran jua Tơlơi pơtrun pơsit 21, lơ 16/6/2022 mơ̆ng Grŭp mă bruă Ping gah dêh čar ta tal 13 kơ kơtưn hơkrŭ đĭ pơdŏng khul ping gah hăng pơđĭ tui anô̆ kơjăp khul ping gah amăng rơwang phrâo. Bruă pơplih anăn khua apăn bruă hmâo djru laih tơring glông ngă rơguăt bruă čar, pơđĭ tui bôh tơhnal wai lăng git gai, ngă tui hơdôm bruă jao kơđi čar.