VOV4.Jarai-Găn rơgao rơbêh ha mơkrah amăng rơwang tal 1 mơng Jơlan hơdră tui hơnong pơkă dêh čar pơđĭ kyar bơwih ƀong huă-mơnuih mơnam kual mơnuih djuai ania ƀiă hăng čư̆ siăng samơ̆ rơnoh prăk mơng jơlan hơdră anai ƀơi hơdôm boh ƀon lan ăt aka ƀu kah pha truh mơnuih ƀun rin. Ƀơi Quảng Nam, Khul git gai hơdôm jơlan hơdră tui hơnong pơkă dêh čar gưl tơring čar hơmâo gơgrong pơsir hĭ gun găn ră anai, juăt kiăo tui lăng ƀơi ƀon lan, hmao tlôn pơsir hĭ gun găn. Tơring čar anai ăt hơmâo hră pơ-ar pơmut hrŏm tong ten hăng hơdôm jơlan hơdră tui hơnong pơkă dêh čar kiăng djop gơnong bruă, anom bruă, gong gai ƀon lan amuñ tŭ mă hăng pok pơhai.

VOV4.Jarai – Tô̆ tui jơlan tal jơnum lok 6 Khua pơ ala mơnuih ƀôn sang dêh čar ta tal 15, rơwang hrơi tơjuh rơgao ƀing khua pơ ala hmâo bơkơtuai kơ bôh tơhnal tŭ jum mơnuih ƀôn sang, pơsir hră ƀom kiơng hăng pơsir tơlơi ƀom kiơng, tơlơi ƀom đĭ mơ̆ng mơnuih ƀôn sang. Ƀing khua pơ ala rơkâo, Gong gai khom pel ĕp, ngă rơđah bôh than ba truh kiăng hmâo jơlan pơsir pơđut hơdôm kơđi tơlơi ƀom kiơng dô̆ glăi glêh tơnap, sui blan.

VOV4.Jarai - Ngă tui bruă bơkơtưn “Yua kơ mơnuih rin - Ƀu pioh pô hlơi dŏ glăi gah tlôn” amăng hơdôm thun rơgao Jơnum min djŏp djuai ania mơnuih mơnam Việt Nam tơring čar Dak Lăk hơmâo pơphun lu bruă ngă sit nik đah mơ̆ng djru ba mơnuih rin ƀun hrưn đĭ hơđong tơlơi hơdip,amăng anun hơmâo ngă ngă tui jơlan hơdră djru man pơkra sang dŏ gum pơgôp djuai ania. Lu sang dŏ phrâo plih hĭ sang dŏ ƀu rup, djru ba mơnuih ƀun rin tơnap tap pơđao pran jua hloh amăng tơlơi khăp pap mơ̆ng mơnuih tơpuôl.

VOV4.Jarai-Amăng hơdôm thun giăm anai, glông bruă kơđi čar djop gưl đing nao biă mă kơ bruă hơduah ĕp, pơtô hrăm, čung ba, jao bruă ngă khua kơ mơnuih djuai ƀiă; hơmâo lu jơlan hơdră djru đing nao kơ khua mua apăn bruă đah kơmơi djuai ƀiă. Khă hnun, bruă mă mơ̆ng khua mua apăn bruă đah kơmơi, mơnuih djuai ƀiă ră anai aka ƀu ngă djơ̆ tơlơi pơtrun kơ bruă mă ôh. Kiăng hơmâo hơdră kơtang hloh hăng hơdră pơblih phrâo, biă mă ñu amăng bruă pơtom hiăp, mut phung jar kmar.

VOV4.Jarai – Lơm pioh tơlơi taih amang hmâo amăng sang anô̆ gơyut, ñu amra jing nam rơka tơnap grăng, ngă tơlơi yâo mơ-ak amăng sang anô̆ rơnguăi hĭ, tơlơi yâo mơ-ak mơ̆ng rim ƀing ta... Tui anun lơm bưp tơlơi taih amang amăng sang anô̆, ƀing ta khom ngă hơget pioh dưi pơgang tơtlaih mơ̆ng tơlơi taih amang amăng sang anô̆? Hơdôm mơnuih thâo tơlơi anai glăk truh dưi hmâo tơlơi phiăn pơgang ba mơn lơm ƀom đĭ? Ƀirô hơpă tŭ mă tơlơi pơhing ƀom kiơng? Thạc sĩ - Pô thâo kơđi Đỗ Đăng Khoa, Grŭp thâo kơđi Quận 7, ƀôn prong Hồ Chí Minh amra lăi glăi hơdôm tơlơi tơña anun.

VOV4.Jarai - Mơguah lơ 22/11, Khul git gai mrô 515 tơring čar Gia Lai pơphun nao ĕp, klơi ba glăi tơlang tơleh tơhan djai pơsăn drơi jăn Ling tơhan djru blah wang hăng ƀing rơgơi kơhnâo Việt Nam djai amăng tơnuk blah wang ƀơi dêh čar Kur.

VOV4.Jarai – Amăng dua hrơi lơ 21 hăng lơ 22/11, ƀơi ƀôn prong Hải Phòng, Ding jum pơtô pơhrăm dêh čar pơphun Bơkơtuai tơlơi hăng jơlan gah pơđĭ tui kơjăp bruă pơsir tơlơi ƀu thâo hră kơ mơnuih ƀôn sang kual neh wa djuai ania ƀiă.

VOV4.Jarai - Tha plơi, mơnuih ană plơi kơnang jing mơnuih hơmâo boh pơhiăp yôm, pơtô lăi ană plơi pla tui mơ̆ng kual mơnuih ƀôn sang djuai ƀiă. Ƀơi tơring glông Čư̆ M’gar, tơring čar Dak Lăk hơmâo lu tha plơi, mơnuih ană plơi kơnang jing mơnuih ping gah hơmâo mut ping gah sui thun laih. Ƀu kơnong jing pô pơtruh brơi Kơnuk kơna hăng mơnuih ƀôn sang đôč ôh, gơñu ăt jing mơnuih ngă gru ba jơlan hlâo hăng pran jua gum djru tơdruă pơlir hơbit ană plơi.

VOV4.Jarai – Čơtlăm tom brơi (19/11), ƀơi Hà Nội, Ding jum pơtô pơhrăm, Khul mut pgung pơtô pơhrăm Việt Nam pơphun ngă lơphet bơni nai pơtô čơđai, mơnuih apăn bruă wai lăng mơbruă thun 2023.

VOV4.Jarai – Tô̆ tui jơnum kơplah wah 2 tal jơnum lok 6, rơwang hrơi tơjuh rơgao, Jơnum min apăn bruă Khua pơ ala mơnuih ƀôn sang hmâo gum pơhiăp hră čih pơkra Tơlơi pơtrun pơsit lăng tui hluai tui akô̆ bruă “Bruă pok pơhai ngă tui hơdôm Tơlơi pơtrun pơsit mơ̆ng Khua pơ ala mơnuih ƀôn sang kơ hơdôm jơlan hơdră pơkă mơ̆ng lŏn ia kơ pơdŏng plơi pla phrâo rơwang 2021-2025, hrŏ trun ƀun rin kơjăp rơwang 2021-2025, pơđĭ kyar bơwih ƀong – mơnuih mơnam kual djuai ania ƀiă hăng čư̆ siăng rơwang 2021-2030”. Jơnum min apăn bruă Khua pơ ala mơnuih ƀôn sang rơkâo đing nao pơtlaih đut hlah kơ ngăn drăp brơi 3 Jơlan hơdră pơkă mơ̆ng lŏn ia, biă ñu ngăn rơnoh bruă mă ƀudah prăk mă yua na nao.