VOV4.Jarai-Sang anŏ lĕ aliăng phun kơ khul mơnuih mơnam, jing anih ưh kơnang pran jua drơi jăn kơ rim čô ding kơna amăng sang anŏ, laih anun jing anih pioh kơ djop mơnuih pơdah thâo, pơƀuh brơi bruă mă tơlơi khăp, kah pơpha djru nao rai; sang anŏ dŏ jing anih krăo đing hmư̆, djă pioh hăng pơtô glăi rơnoh yôm gru grua hiam đưm plơi pla lŏn ia.

VOV4.Jarai - Mơguah tom brơi lơ 17/11, Khul mơnuih ngă hmua tơring čar Dak Lăk pơphun pơƀuh Sang čơ gơnam mơ̆ng hmua Dak Lăk online ƀơi plang sĭ mơdrô điện tử chonongsandaklak.vn.

VOV4.Jarai – Ƀơi Quảng Bình, đah kơmơi kual čư̆ siăng ăt pơmin mơn truh thun brô̆ prong khom dô̆ rơkơi bơnai, tơkeng ană. Tơdah tơkeng rai amăng sa bôh sang anô̆ lu ană thơ khom đing nao ană đah rơkơi nao hrăm hră, ană đah kơmơi khom dô̆ pơ̆ sang mă bruă. Ƀu kơnong kơ ƀu dưi tŭ yua amăng sang anô̆, ƀing đah kơmơi dô̆ gơgrong ba khom dô̆ rơkơi bơnai, tơkeng lu ană pioh mă bruă, ƀu dưi jơnum črông lô, pơsit bruă mă tŭ yua yôm phăn amăng sang anô̆, plơi. Kiăng sut lui ƀơƀrư̆ hơdôm tơlơi kah pha bơnai hăng rơkơi, pơsir hơdôm tơlơi bơngot pioh kơ đah kơmơi hăng čơđai muai, Khul pơlir hơbit Đah kơmơi Quảng Bình ha amăng plĕ pơphun lăi pơthâo grŭp lăi pơhing plơi ƀơi tơring glông kual čư̆ siăng.

VOV4.Jarai – Mơguah tom brơi (16/11), ƀơi Hà Nội, Ding jum wai lăng mơnuih mă bruă, tơhan rơka ruă hăng mơnuih mơnam gum hrŏm hăng sa dua Ding jum, gơnong bruă bơdjơ̆ nao pơphun Jơnum Klah čun ƀơƀiă, pơsit tơlơi pok pơhai ngă tui hơdôm Tơlơi pơsit mơ̆ng Khua dêh čar gah čơđai muai.

VOV4.Jarai – Mơguah lơ 16/11, Grŭp hyu mă bruă mơ̆ng Grŭp apăn bruă Ping gah dêh čar ta yua kơ ơi Phan Đình Trạc – Ding kơna Ding jum kơđi čar, Ding kơna git gai Ping gah dêh čar, Khua Grŭp apăn bruă Ping gah dêh čar hmâo nao pơhmư̆ Hrơi jơnum ngui gum hrŏm hơbit abih bang djuai ania ƀơi plơi Ó, să Ia Sao, tơring glông Ia Grai, tơring čar Gia Lai.

VOV4.Jarai - Jơnum min mơnuih ƀôn sang tơring čar Kon Tum pơsit tơlơi pơtrun ječ ameč hăng ring bruă ming pơkra tơlơi truh lŏn tơhlŏm, jơlan răm rai ƀơi jơlan 674 phrâo Yaly - plơi Tam An, să Sa Sơn - Ta Mô, plơi Rẽ, să Mô Rai hăng bruă pơkra ming dơnao kŏng ia Đăk Ngao 1, tơring glông guai dêh čar Sa Thầy.

VOV4.Jarai- Tŏ tui jơlan hơdră mông jơnum tong krah mơng jơnum lok 6, hrơi anai (16/11) Jơnum min apăn bruă Khua pơ ala mơnuih ƀôn sang dêh čar hơmâo pơgôp hiăp amăng lu boh tơhnal yôm phăn. Amăng anun hơmâo tơlơi lăi glăi, tŭ mă, pơplih pơkra črăn tơlơi phiăn lŏn mơnai (čih pơkra glăi) hăng črăn tơlơi phăn sang dŏ (čih pơkra glăi).

VOV4.Jarai - Mơguah lơ 15/11, Jơnum min djop djuai ania mơnuih mơnam Việt Nam tơring čar Dak Lak pơphun blan yua kơ mơnuih ƀun rin thun 2023.

VOV4.Jarai - Tŏ tui jơlan hơdră jơnum tong krah mơng jơnum lok 6, mơguah 15/11, Jơnum min apăn bruă Khua pơ ala mơnuih ƀôn sang dêh čar pơgôp hiăp kơ črăn tơlơi pơtrun krăo lăng kơ bruă pok pơhai ngă tui hơdôm tơlơi pơtrun mơng Ƀirô Khua pơ ala mơnuih ƀôn sang dêh čar kơ hơdôm jơlan hơdră tui hơnong pơkă dêh čar.

VOV4.Jarai-Pơblih phrâo hơdră ngă hăng tơlơi hyu pơtô lăi jing sa amăng hơdôm hơdră ngă djơ̆ mơ̆ng tơring glông kual čư̆ siăng Nam Đông, tơring čar Thừa Thiên Huế kiăng pơđĭ tui boh tŭ yua hyu pơtô lăi, pơtô hrăm hăng brơi tơlơi thâo pơgang rơnuk rơnua rô nao rai ƀơi jơlan glông kơ čơđai sang hră amăng tơring glông.