VOV4.K’ho - Rơlao 12 rơbô lồ ù tam cao su tàm bă ù brê sar tàm càr Gia Lai neh gơbàn chơ\t ha là ờ hờn gơs dờng niam, hoàc huơr là uă ngan. Kờ` toh wơl priă, tơnguh cồng nha ngui ù, ală anih lơh sa kă bro mờ gơnoar atbồ càr gam dan mờ Chính phủ, ai tam gơl bă ù do kờ` lơh broă ndai.

Công ty cao su Cư\ Sê là dùl tàm ală anih lơh sa kă bro lơh jăt rơndăp broă tam gơl brê sar kờ` tam cao su tàm càr Gia Lai.

Ồng Lê Quang Trương, Phó kuang atbồ công ty pà g^t, công ty do neh lơh jăt 4 rơndăp broă mờ kờp jơh bă ù rơlao 3 rơbô lồ. Tàm hơ\, công ty neh tam mờr 2 rơbô 200 lồ cao su. Geh uă ngan ală bă ù do neh chơ\t mờ hòn ờ pràn. Ală bă ù tam cao su hòn gơs niam, cồng nha bơsơ\t kung ờ uă, mìng ndrờm mờ nggùl jăt mờ cồng nha bè ờs:

-Geh uă bă ù tam neh chơ\t ờ gam di pal. Mờ di lah lời kờ` còr bơsơ\t den ờ gơtùi, tài ờ uă, dềt, den tàng cau còr bơsơ\t ờ gơtùi lơh broă. Tu\ do lơh bè lơi kờ` tơnguh cồng nha ù, dơ\ 2 là anih lơh sa kă bro geh broă ai wơl priă neh bơcri tàm bă ù do den dan mờ ală cấp, gơnoar atbồ geh gơnoar ai tam gơl broă ngui ù, ai tam gơl tam phan ndai.

Jăt ồng Kpă Thuyên, Phó Chủ tịch UBND càr Gia Lai yal, broă tòm cao su tam tàm bă ù brê sar gơbàn chơ\t mờ hòn ờ pràn, gơbàn tàm uă rơndăp broă lơh ndai, kờp jơh bă ù rơlao 12 rơbô lồ. Mờ bơta tu\ do, di gơlan bă ù tam cao su chơ\t gam gơguh tai tàm tơngai tus.

Càr Gia Lai bal mờ ală anih lơh sa kă bro gam dan mờ Chính phủ, ală Bộ, gah lơh broă dà lơgar sền wơl kờ` ai tam gơl phan tam mờ broă ngui ù gơwèt mờ ală bă ù do. Tàm hơ\, ai lài là tam brê. Tàm broă tam phan jo\ tơngai den ală anih lơh sa kă bro pal lơh jăt broă tam brê ơla:

-Tàm tơngu me bă ù 12 rơbô lồ mờ Thủ tướng ring bal ai tam gơl phan tam den pal sền wơl. Tam brê ờ gơtùi den ală anih lơh sa kă bro pal bơ\t bơtàu ală rơndăp broă tam gơl phan tan jo\ tơngai mơya pal geh gùng dà broă tam brê ơla.

Tàm 1 lồ ù tam gơl den pal tam wơl 1 lồ, gơtùi tam tàm ală tiah ndai. Bơta dơ\ bàr là ờ tam gơtùi den jào priă tàm kes priă sền gàr mờ tơnguh bơtàu brê kờ` jào ală mpồl lơh broă ndai kờ` tam brê jăt mờ kơrnoăt geh ai. Jăt jơnau kơlôi sơnơng bơh càr Gia Lai dê, 1 lồ ù tam brê 3 nam sền gàr là geh di pơgăp 64 tơlăk priă.

Bơh nam 2008 tus 2012, càr Gia Lai neh bơyai lơh bàr dơ\ tam gơl brê kờ` tam cao su, jào di pơgăp 35 rơbô lồ ù brê sar ai 16 anih lơh sa kă bro ơpah ù kờ` lơh 44 rơndăp broă tam cao su. Tàm hơ\, ală anih lơh sa kă bro neh rồ ù mờ tam geh di pơgăp 28 rơbô lồ.

Cau mblàng Ndong Brawl