VOV4.K’ho - Chính phủ pa ai ngui Nghị định bè broă lam sồr tơnguh bơtàu broă lơh bal, pơgồp bal tàm broă lơh sa mờ tăc phan geh lơh bơh broă lơh sa suơn sre.

Jăt Nghị định do, lơh broă bal, pơgồp bal lơh sa mờ tăc phan geh lơh bơh broă lơh sa suơn sre là broă ring bal, lơh is bơcri priă bal, lơh sa mờ tăc phan geh lơh bơh broă lơh sa suơn sre làng bol, cau 1 nă să, hợp tác xã, anih lơh sa kă bro tơnguh cồng nha broă lơh sa mờ bơta niam phan geh lơh bơh broă lơh sa suơn sre.

Nghị định đơs loh, đơng lam broă pơgồp bal geh kes priă dà lơgar dong kờl 100% khà priă pơlam bơ\t bơtàu broă pơgồp bal, geh bơh 300 tơlăk priă.

Rơndăp broă pơgồp bal geh kes priă dà lơgar dong kờl 30% khà priă bơcri blơi măy mo\k, phan lơh broă; bơ\t bơtàu ală broă lơh drơng tàm broă pơgồp bal. Kờp jơh khà priă dong kờl bơh 10 tơmàn priă.

Cau mblàng Ndong Brawl