VOV4.K’ho- Tàm 2 ngai bồ nhai 11 pa do, tàm [òn dờng Kon Tum, dơ\ sơn rờp  Gah đơng lam Mpồl ling sền gàr tiah nhàr lơgar pơgồp bal mờ UBND càr Kon Tum bơyai lơh Broă lơh tìp mat g^t gơ\p lơh bơyô bal tiah nhàr lơgar Việt Nam- Lào mờ Campuchia dơ\ dùl nam 2018. Broă lơh geh bơta tus bơh rlau 650 Kuang bàng bơh ală Bộ, gah sơnah lơh broă dà lơgar, gơnoar atbồ, mpồl ling sền gàr tiah  nhàr lơgar, mpồl ling klàng, Kuang àng 4 càr: Attapư, Sê Kông, lơgar Lào; Rattanakiri, lơgar Campuchia mờ càr Kon Tum, lơgar Việt Nam.

Nàng broă lơh tìp mat g^t gơ\p lơh bơyô bal tiah nhàr lơgar Việt Nam- Lào mờ Campuchia dơ\ 1 nam 2018 geh cồng nha niam bơne\, broă rcang lài neh geh Gah đơng lam Mpồl ling sền gàr tiah nhàr lơgar càr Kon Tum rcang pơgap mờ do 10 nhai. G^t wă  loh làng pơrya kuơ màng bơh broă lơh do, jơh bal ală kuang bàng, cau ling sền gàr tiah nhàr lơgar tàm tiah do ndrờm lơh jat niam ngan rlau jơh nùs nhơm lơh jat is mờ bơta g^t wă kơnòl broă gơ wèt mờ broă geh jàu.

Tus [òn dờng Kon Tum tus bal broă lơh tìp mat lơh kuèng, tềng đap bơta wă rò niam ngan, bềng lìu bơta tàm klăc bal Việt Nam mờ Lào, ồng Lệch Xay Nha Phon, Ủy viên Đảng dà lơgar, Bí thư, mơkung là Kuang atbồ càr Attapư, lơgar Lào, ngoh rơngăc đơs:

Gơtùi đơs bơta g^t gơ\p lơh broă bal Attapư mờ càr Kon Tum làm tơl mờ geh cồng nha uă ngan. 2 gah gàr niam bal bơta lơngap lơngai, ờ do ờ dă tàm tiah nhàr lơgar mờ ală cồng nha tàm dơ\ tam lơh sơn dră mờ cau lơh tìs. Kuơ màng, lồi nam 2017 pa do, 2 càr neh lơh tơngkah geh cồng nha 2 broă lơh kah yau kuơ màng ngan, hơ\ là dơ\ tơngkah 55 nam crơng gơs bơta g^t gơ\p lơh broă mờ lơgar ndai mờ 40 nam ngai ki\ Hiệp ước g^t gơ\p lơh bơyô bal lơh broă bal tơl làm Việt Nam mờ Lào.

Càr Kon Tum geh gùng nhàr lơgar jòng rlau 292 kơi sồ, tàm hơ\, nhàr bal mờ 2 càr Attapư, Sê Kông, lơgar Lào rlau 154 kơi sồ,  mờ càr Rattanakiri, lơgar Campuchia rlau 138 kơi sồ. Tiah do ală nam tàm rài tam lơh là kơdung [ồm bơh Mỹ Nguỵ dê mờ kung là tiah àng gơcrà nùs nhơm tam klăc bal tam lơh đah ling klàng - làng bol 4 càr.

Sùm mờr dùl 100 nam do, 3 dà lơgar, 3 jơi bơtìan sùm tam klăc bal, kờ` bal mơ gơ\p tàm broă tam lơh tơngklàs jơi bơtìan mờ bơt bơtàu dà lơgar ngai sơlơ pas niam. Tàm ală nam do, mpồl ling sền gàr tiah nhàr lơgar 4 càr neh pơgồp ai lơh geh cồng nha uă broă lơh.

Mpờl go\ ngan bè pơgồp bal tam lơh mờ ală bơta cau lơh tìs; broă lơh  dờp oh  mi mpồl làng bol 2 gah tiah nhàr lơgar dong kờl làng bol bơtàu tơnguh lơh sa; sền gròi bè sơnơm tơm ba, bơto bơtê, …

Tàm broă tìp mat lơh kuèng geh lơh tàm mang ngai 2/11, Thiếu tướng Sổm Thoong Đon Căn Nọi, Kuang đơng lam bồ Chính trị Gah đơng lam Mpồl ling klàng càr Sê Kông, lơgar Lào, đơs bè do:

Tàm tơngai pa do kung bè tu\ tơngai tu\ do, 2 mpồl ling neh lơh jat niam gùng dà broă lơh lơh broă mờ lơgar ndai bơh 2 Đảng, 2 Chính phủ mờ Bộ Quốc phòng 2 lơgar. Bol a` kung  dong broa\ cribơyai bal mờ gơnoar atbồ tàm tiah do pơgồp bal tàm broă sền gàr lơngap lơngai, sền gàr dà lơgar. Pơgồp niam bal mờ gơ\p tàm broă lơh lòt sền, sền gròi tàm tiah nhàr lơgar bal. Tàm yal tơng^t jơnau bal mờ gơ\p di tu\. Pah nhai, pe nhai dùl dơ\, pah nam neh pơdar dơ\ bơyai lơh Pơrjum cribơyai broă bal.

Bơta tờm ngan tàm ròt ală broă lơh bơh broă lơh tìp mat g^t gơ\p lơh bơyô bal tiah nhàr lơgar Việt Nam- Lào mờ Campuchia dơ\ 1 nam 2018 là broă lơh lòt sền bal tàm jrong sơntơ\p tiah 3 gùng tiah nhàr lơgar tam cah ù tiah 3 lơgar, đah lơgar Việt Nam, gơ wèt xã Bờ Y, kơnhoàl Ngọc Hồi, càr Kon Tum.

Tơnơ\ dơ\ lơh gờm chờ sơntơ\p jrong sơne\ 3 gùng nhàr lơgar, kuang bàng, cau ling Pôs đồng tiah nhàr lơgar mpồng nhàr lơgar dunia Bờ Y, Mpồl ling sền gàr tiah nhàr lơgar Kon Tum bal mờ Đại đội 541, Gah đơng lam ling klàng càr Attapư, lơgar Lào; Pôs đồng kuang àng sền gàr tiah nhàr lơgar Kontuynek, Kuang àng càr Rattanakiri, lơgar Campuchia mut lơh dơ\ ai ling lòt sền bal sền gàr ù tiah mờ gơnoar tờm lơngap lơngai tiah nhàr lơgar.

Broă lơh do là jơnau bơceh pa bơh mpồl ling sền gàr tiah nhàr lơgar tàm broă lơh jat ală Hiệp ước, Hiệp định, Jơnau ring bal lơh broă bal Mpồl ling sền gàr tiah nhàr lơgar, Sră cih kah geh ki\ đah Dà lơgar mờ Mpồl ling klàng làng bol Việt Nam mờ ală lơgar rềp bal…

Đại úy Phay Sam Bat, Kuang atbồ Mpồl lòt sền, Pôs đồng kuang àng sền gàr tiah nhàr lơgar Kontuynek, Kuang àng càr Rattanakiri, lơgar Campuchia, pà g^t:

Broă lơh pơgồp lòt sền bal đah 3 mpồl ling Việt Nam- Lào mờ Campuchia geh pơrya kuơ màng tàm broă sền gàr  gùng nhàr sơntơ\p jrong, sền gàr ờ do ờ dă tàm tiah do in. Tơnguh bơta g^t gơ\p tam klăc bal, g^t gơ\p lơh bơyô bal bơtàu tơnguh tàm tiah 3 mum 3 lơgar. Tơl tu\, tơl tiah broă lơh pơgồp bal bơh mpồl ling sùm là pal gàr niam sùm nàng gàr kơ\ kơl jap lơngap lơngai, ờ do ờ dă tàm tiah nhàr lơgar.

Mờ nùs nhơm: “Lơgar rềp bal, g^t gơ\p lơh bơyô bal bơh yau, lơh broă bal tơl làm, kơ\ kơl jap jo\ jòng” tàm broă lơh tìp mat g^t gơ\p lơh bơyô bal tiah nhàr lơgar  Việt Nam- Lào mờ Campuchia dơ\ 1 nam 2018, kuang đơng lam bồ mờ mpồl ling geh gơnoar 4 càr ndrờm ai tơngo\ nùs nhơm jơh nùs lơh broă bal, tam klăc bal bơt bơtàu bal tiah nhàr lơgar hờm ram, lơngap lơngai mờ bơtàu tơnguh.

Pơn jat tai pơgồp bal niam, chồl pràn broă lơh lơh broă bal tiah nhàr lơgar tơrgùm tàm ală broă lơh, bè jòi rồ, tơrgùm ntìng bồc cau ling chơ\t màng, dong kờl làng bol 2 gah tiah nhàr lơgar bơtàu tơnguh lơh sa, tơn jơh jơgloh tơrmù r[ah; pờ tai mpồng dềt tiah nhàr lơgar sơlơ tơnguh broă tìp mat lơh kuèng bơtàu tơnguh lơh sa…

Chờ gờm tềng đap cồng nha bơh broă lơh tìp mat lơh kuèng, Đại tá Phạm Ngọc Phú, Kuang atbồ Gah đơng lam Mpồl ling sền gàr tiah nhàr lơgar càr Kon Tum pà g^t:

Bơh broă tìp mat lơh kuèng, g^t gơ\p lơh bơyô bal dơ\ do, sơlơ tơnguh nùs nhơm tam klăc mờ g^t gơ\p đah gơnoar atbồ mờ mpồl ling sền gàr tiah nhàr lơgar 3 lơgar dê. Mờ ală mpồl ling sền gàr tiah nhàr lơgar geh dơ\ sền wơl ală cồng nha neh lơh geh tàm broă lơh bal pơgồp bal sền gàr tiah nhàr lơgar. Pơn jat tai chul chồl bơta g^t gơ\p mờ dong kờl bal mờ gơ\p tàm broă sền gàr, kơ\ kơl jap gơnoar tàm ù tiah mờ lơngap lơngai tàm tiah nhàr lơgar bơh tơl lơgar dê.

Pơn jat tai lơh niam bơta tam klăc bal, g^t gơ\p lơh bơyô bal, tàm broă lơh tìp mat lơh kuèng g^t gơ\p lơh bơyô bal tiah nhàr lơgar Việt Nam- Lào mờ Campuchia dơ\ 1 nam 2018, geh rlau 650 kuang bàng tus bơh 4 càr bơh 3 lơgar Việt Nam- Lào mờ Campuchia neh tam bal Suơn chi g^t gơp lơh bơyô bal tàm sơne\ 3 tiah nhàr lơgar mờ rlau 700 tờm chi tơlir; jàu pà 20 bơnah piă bơsram “Dong kờl oh lòt hìu bơsram” ai ală kơnòm bơsram geh rài kis kal ke in, pà 40 nơm kơnrồ sơntìl kờp mờ priă 600 tơlak dòng ai hìu bơnhă r[ah 4 càr tiah nhàr lơgar geh priă lơh sa, nàng brồ guh lik klàs r[ah.

Geh đơs niam ngan là dùl broă lơh lơh broă mờ lơgar ndai tiah nhàr lơgar mpờl go\ ngan, broă lơh tìp mat g^t gơ\p lơh bơyô bal tiah nhàr lơgar Việt Nam- Lào mờ Campuchia dơ\ 1 nam 2018, geh lơh bơh ngai 2 tus ngai 3/11 pa do tàm càr Kon Tum, neh tă pơgồp bơnah sơlơ tơnguh rlau tai bơta g^t gơ\p tàm klăc bal, pin dờn bal, lơh broă bal, bơtàu tơnguh bal đah 4 càr bơh 3 lơgar dê.

Mờ gơnoar broă tờm ngan, drơng broă tàm broă atbồ, sền gàr gơnoar tờm lơngap lơngai tiah nhàr lơgar dà lơgar dê, mpồl ling sền gàr tiah nhàr lơgar càr Kon tum pơn jat tai là r[àng tơrbo\ kơ\ kơl jap bơh nùs nhơm tam klăc bal, g^t gơ\p lơh bơyô bal kuơ màng do.

Cau mblàng K’ Hạnh