VOV4.K’ho - Kơnờm mờ bơta lơh ngan mờ kơp kờ` lơh pas, tus tu\ do, hìu nha\ bi A Huâng kis tàm [òn Lung, xã Ya Xiêr, kơnhòal Sa Thầy, càr Kon Tum neh geh khài rài kis pas gơs. Bal mờ bơta nùs nhơm lơh ngan lơh pas, hìu nha\ bi A Huâng gam geh đơs la hìu nha\ lam lài tàm srơh lơh ngan bơsram sra\.

Deh nam 1972, tàm dùl hìu nha\ rbah gal oh mi, rài kis kơnòm sa\ bơh bi A Huâng kal ke ngan, ờ tơl srap bơta, piang ờ tơl sào, ào ờ tơl soh, sa\ tờm den lòt bơsram sra\ ờ tus gùng tus dà. Ờ bài kờ` ngan tềng bơta jơgloh rbah, tơnơ\ bau kòn, ùr bơklau bi neh lơh ngan mus rồ ù, rồ lo\ sre nànng bơtàu tơngguh lơh sa phan bơna.

Mờ la dùl na\ cau trơ yang trơ ỳông,  mờ jak ngan bơsram den tàng bi neh lơh geh in broa\ lơh bơtàu tơngguh lơh sa jo\ jòng. Mut lơh broa\ lơh ‘’ai broa\ lơyah ngai ròng broa\ jo\ tơngai’’, bơh lơh  kòi sre nàng geh tơl phan sa, bi neh bơcri bơtàu tơngguh tam 3 lồ bùm blàng cao sản, ròng sur, kơnrồ nàng tac geh tai pria\ jền. Ba\ ù suơn rhàng kung geh bi ngui jơh nàng  ngui tàm lơh sa hìu nha\.

Tuh jơh ala\ cùan bơsơt cao su bềng tàm lô cao su bơh hìu nha\, bi A Huâng boh bơr, rlau 10 nam lài, lơh jat broa\ lơh tam gơl chi tam jat gùng lơh sa phan bơna, hìu nha\ bi la hìu nha\ sơnrờp tàm [òn lam lài tam gơl ù klàr tam bùm blàng, lơh sa ờ geh ua\ gơs tam chi tam công nghiệp. Bơh pria\ càn bơh dà lơgar mờ khà pria\ tềm pềr hìu nha\, bi tam gơl 1 lồ ù suơn bơh hìu nha\ tam cao su. Kơnờm mut lơh di pơlam bơta chài den tàng broa\ tam cao su hìu nha\ bơtàu tơngguh niam. Tàm ala\ nam tơnơ\ hơ\ hơ\,  bi pơnjat tai geh khin cha tam gơl 2 lồ ù tam bùm gơs tam cao su mờ 1 lồ ù tam bời lời, geh lơh bal ròng phan bơh  4 tus 6 nơm kơnrồ nàng  geh tai pria\ jền.

Bi A Huâng đơs: He gam kơnòm sa\, geh dà lơgar dong kờl càn bè khà pria\, git wa\ lơh sa, geh ù lơh sa den tàng broa\ lơh pas la ờ kan. Broa\ geh ngui  bơta jak hài pa tàm lơh sa den pal geh lam bồ lài, tài bơh jo\ do broa\ lơh lơh sa bơh làng bol kòn cau gam bal hia\, ờ hềt pràn, dềt rhền,  den tàng bơta kuơ bơh ngai lơh broa\ geh lơyah.

Tơnơ\ 7 nam lơh ngan broa\ tam sơng ka sền gàr, rhời 3 lồ  cao su bơh hìu nha\ bi dê neh geh tơnhàu bơsơt. Tu\ tơngai cao su  tac yòm, ua\ hìu nha\ tài bơh geh ua\ cồng den tàng neh tơnhàu jơh pràn, gơ lam tus khà geh bơsơt cao su lơyah, mơya hìu nha\ bi neh ờ lơh bè hơ\. Geh cau kuang pơlam, hìu nha\ bi neh lơh  di pal broa\ tơnhàu bơsơt cao su. Den tàng suơn cao su dờng pràn niam, kgà bơsơt hìu nha\ bi dê geh ala\ cau kòn bươn đơs la khà niam mờ blơi mờ khà pria\ niam rlau pơndrờm mờ ala\ hìu nha\ ndai tàm [òn.

Ồng Lương Thanh Ruyến - Chủ tịch Hội nông dân xã Ya Xiêr, ai git: Bi A Huâng la  cau jat jơng atbồ Hội nông dân [òn Lung sùm ua\ nam. Do la cau lam lài pơnrơ ngan bưh [òn lơgar tàm srơh  cau lơh broa\ sa ka\ bro jak kơnhòal Sa Thầy dê. Tàm ua\ ua\ hìu nha\ gam kơp kờ`  tàm bơta dong kờl  bơh dà lơgar den hìu nha\ bi neh sa\ tờm brồ guh mờ pràn he dê. Sùm 4 nam hìu nha\ bi geh dờp la cau tàm mpồl lơh broa\ sa ka\ bro jak kơnhòal, geh ala\ kơna\, ala\ gah jờng.

Kơnờm geh lơh ngan mờ kơp kờ` lơh pas, tus tu\ do, hìu nha\ bi ờ mìng lik klàs rbah kơljap mờ gam geh đơs la hìu nha\ geh khà pas, gơs tàm [òn. Bal mờ nùs nhơm lơh ngan lơh pas, hìu nha\ bi A Huâng gam geh đơs la cau lam lài tàm srơh kờ` bơsram sra\ ngan.

Ồng A HMão-Phó chủ tịch UBND xã Ya Xiêr ai git: Bulah geh tu\ tơngai rài kis hìu nha\ A Huâng rbah kal ke ngan, ờ tơl srap bơta, mơya jơh 4 na\ kòn drờm bi geh sồr lòt bơsram sra\, bơto bơtê tus gùng tus dà. Tus tu\ do,  neh geh 3 na\ kòn jơh bơsram ala\ hìu bơsram đại học, cao đẳng, rê lơh broa\ tàm gah lơh sơnơm, gah bơto bơsram tàm kơnhòal Ia H’Drai, càr Kon Tum.

Sùm tàm ua\ nam hìu nha\ bi A Huâng geh gơnoar atbồ [òn lơgar jờng, pơnjờng la hìu nha\ ngac ngar  jak chài pơnrơ ngan. Kơp kờ` la làng bol cau lơi kung sơnơng bè hơ\,  lơh geh bè  hìu nha\ bi A Huâng,  nàng rài kis slơ ngai slơ hờm ram  ngai lơ ngò.

                             Cau cih mờ yal tơnggit K’ Brọp