VOV4.K’ho- Ngai 03/8, UBND càr Bình Dương neh sơnđờm mut ngui, tơmut ai lơh broă 2 hìu sơnơm ing geh rlau 8 rơbô 300 nơm jơnờng nàng sơm kòp ai cau kòp Covid-19 in. Dùl hìu sơnơm lơh tàm Hìu bơsram Đại học Việt Đức, thị xã Bến Cát mờ dùl hìu sơnơm lơh tàm tiah lơh broă bơh Công ty Cổ phần bơtàu tơnguh lơh sa mờ măy mok BW, kung tàm thị xã Bến Cát sơl. Anih 2 bơh Hìu sơnơm ing geh ai phan bơna măy mok di pal nàng kờñ sơm kòp ai cau kòp Covid-19 in bơh ờ hềt geh tềl tơngŏ kòp mờ tềl tơngŏ kòp nggờc. Mơkung geh tai 600 nơm jơnờng geh ơn măy tă nhơm oxy dùl anih tàm tơrƀŏ bal mờ ală măy oxy tàm anih tờm dê.

Bộ Y tế lòt sền 2 nơm hìu sơnơm ing lài mờ tŭ tơmut ai lơh broă

Lài hơ̆, Hìu sơnơm ing sồ 1 Bình Dương bơh Tổng Công ty Becamex IDC lơh geh lơh tàm Anih tờm Ràng tơlik Dunia tàm ƀòn dờng pa Bình Dương mờ 1 rơbô 500 nơm jơnờng geh tơl làm phan bơna măy mok pa. Hìu sơnơm do neh dờp sơm kòp ai rlau 1 rơbô 300 nă cau kòp Covid-19 mờ neh geh 140 nă cau geh rê bơh hìu sơnơm.

Cau mblàng K’Hạnh