VOV4.K’ho –Rơndăp broă lơh ntrờ` mờ kơ\ kơl jăp rài kis làng bol sơgràm ù brê tàm bă brê gơ wèt Brê dà lơgar Bù Gia Mập jat Quyết định sồ 3070 nam 2009 bơh Ủy ban Nhân dân càr Bình Phước dê gam mờr lơh gơs, tu\ làng bol ndrờm dùl nùs bal hơ jàu wơl ù ai Brê dà lơgar in nàng lơh jat tơngai dơ\ 2 bơh Rơndăp broă lơh dê là tam brê.

Jơnau pal đơs ngan là làng bol neh ờ go\ kơlôi sơnơng dùl êt jơnau lơi bè rài kis tu\ lơh jat quyết định do, tài bơh khi neh geh càr Bình Phước jàu bă ù ndai nàng lơh sa geh cồng nha.

Tu\ lùp bè jàu wơl ù brê ai Brê dà lơgar Bù Gia Mập in, ồng Điểu Quýt ơm tàm thôn Bù Dốt, xã Bù Gia Mập, kơnhoàl Bù Gia Mập, càr Bình Phước chờ hờp chờ hờ`.

Ngan bè hơ\ ù brê bơh Dà lơgar dê den dà lơgar ai te\ wơl mờ bơsir wơl ai làng bol in den ờ go\ chi lơi mờ muăt jrùm ờ.

Ai ồng Điểu M Rá kung chờ hờp chờ hờ` ngan sơl pà gi\t.

A` kung ờ go\ geh chi lơi sơl, ờ go\ geh bơta lơi mờ muăt jrùm ờ. Ù tiah den dà lơgar tơm bơsir wơl, đah ù mìr ne den neh tơm.

Ngan ngồn jàu wơl ù brê ai Dà lơgar in nàng tam brê, uă hìu làng bol tàm do ờ go\ geh dùl êt bơta kơlôi rơcang lơi bè broă lơh broă sa, tài bơh lài hơ\, khi neh geh Dà lơgar jàu pà ală ală bă ù ndai nàng tam tờm điều, kung neh ai tơnhàu uă nam do sơl.

Lơh jat “Rơndăp broă lơh ntrờ` mờ kơ\ kơl jăp rài kis làng bol sơgràm ù brê tàm bă brê gơ wèt Brê dà lơgar Bù Gia Mập dê”, ală nam do, Ban atbồ Brê dà lơgar neh tàm pơgơl wơl ai 130 hìu in mờ bă ù rlau 160 lồ ù sơgràm ù brê tam phan gơ ơm tàm gùl bơh Brê dà lơgar dê lik tus tiah rơndăp broă lơh.

Jơh ală bă ù pa pà do geh đo was mờ ală hìu làng bol kung geh lơh sră ngui ù sơl nàng kơ\ kơl jăp jo\ jòng. Bal mờ hơ\, Ban atbồ Brê dà lơgar Bù Gia Mập kung neh ai kơ\ kơl jăp anih ơm ai 89 hìu bơnhă in bal mờ bă ù rlau 120 lồ geh ù brê mờ hìu ơm tàm tiah rơndăp broă lơh. Ồng Vương Đức Hòa,  Phó Giám đốc Ban atbồ Brê dà lơgar Bù Gia Mập pà gi\t.

Rơndăp broă lơh ntrờ` do geh bơta dùl nùs bal bơh làng bol dê. Tài bơh lơh geh bơta kuơ bơh làng bol mờ bơta kuơ bơh Dà lơgar dê, brê dà lơgar dê tai tàm broă tam brê. Bă ù 1 lồ tàm pơgơl wơl mờ 1 lồ. Làng bol geh ai sră ngui ù tơnơ\ tu\ tàm pơgơl, ai dà lơgar dê lơh geh bơta kuơ ai làng bol in mờ hơ pơrgon rơndăp broă lơh sơrbac mhar ngan.

Ală bă điều gam geh jal mhar koh kơl nàng lời wơl ù ai ală tờm chi brê geh bơta kuơ in geh ai tam tàm tơngai mờr tus. Bè, rơ\p geh pơgăp 80 rbô 700 tờm chi brê, bè: gỏ pơrhê, giáng hương, kơmlai, trôm, ươi…geh ai tam, nàng geh bềng jơh chi che tàm rlau 145 lồ ù brê geh jàu wơl.

Tàm ală tu\ ală hìu bơnhă làng bol koh kơl sươn chi, Brê dà lơgar Bù Gia Mập kung ờ go\ ờ rơcang ngac tàm broă lơh sền gàr brê tài bơh nàng kờ` pleh mờ broă bol iơh sơmơm koh kơl dơm chi kơ`au. Ồng Lê Vũ  Phương Nam, Atbồ Trạm Kiểm lâm số 1, Brê dà lơgar Bù Gia Mập pà gi\t.

Trạm kung rơndăp tăp sèng cau lòt sền ai làng bol in òt koh kơl ală tờm điều tàm brê yau. Ai ală chi gơ ơm tàm bă ù brê den lời wơl bè ờs brê dê mờ gròi sền ờ ai cau iơh in mu\t koh kơl chi gơ ơm tàm tiah brê dà lơgar.

Mìng dùl êt ngai tai lơm, ală chi brê geh tam tàm tiah lài do là sươn mìr bơh làng bol sơgràm ù brê dê. Tu\ bă ù tam phan bơh làng bol dê ờ gam tai tàm bơrlu\ bal mờ bă ù brê, broă lơh atbồ mờ sền gàr brê bơh Ban atbồ Brê dà lơgar  Bù Gia Mập dê kung geh [ươn [oài rlau.

Mờ bơta dùl nùs bal bơh làng bol dê jàu wơl ù ai Brê dà lơgar Bù Gia Mập in, tơngai mờr tus do, rlau 145 lồ brê mờ ală bơta chi geh kuơ geh tam nàng drơng ai broă sền gàr mờ bơtàu tơnguh lơh sa ai làng bol kis rềp mờ brê in. Bơh rơndăp broă lơh gơcèng bơta bơto tơngkah kòn bơnus uă ngan do pơn jat tai đơs ngan dùl jơnau là: Tu\ jơnau Đảng di nùs làng bol dê den jơh ală bơta kal ke ndrờm gơtùi bơsong jơh lơm.

Cau mblàng Lơ Mu K’Yến