VOV4.K’ho - GS, TS Nguyễn Thanh Long, Bộ trưởng Bộ Y tế pa tìp, cri bơyai mờ kuang đơng lam ală hìu sơnơm, hìu sơnơm cau dùl nă să lơh is pơn jăt tai tus bal, ai bơta pràn, dùl nùs bal tàm broă dờp kơnòl bal mờ ƀòn dờng Hồ Chí Minh tàm broă rơcang sơndră mờ kòp gơtờp, tàm hơ̆ uă ngan là tàm broă sơm kòp, sền gàr bơta pràn kơl dang să jan cau gơtìp kòp Covid-19 nàng ƀòn dờng sơrlèt mờ tơngai kal ke do.

                                Bộ trưởng Nguyễn Thanh Long lơh broă tàm ƀòn dờng Hồ Chí Minh

Bộ trưởng tơlĭk nùs nhơm kơ̆p kờñ hìu sơnơm, ală hìu sơnơm cau dùl nă să lơh is pal cih măt dan mùl màl mờ Sở Y tế ƀòn dờng Hồ Chí Minh khà jơnờng ai broă sền gàr bơta pràn kơl dang să jan bè ờs mờ khà jơnờng ai broă sơm kòp cau kòp Covid-19 in. Jăt tàm khà jơnờng dan cih măt tàm hìu sơnơm cau dùl nă să lơh is, ƀòn dờng geh git tơrgùm bal khà jơnờng sơm kòp cau kòp Covid-19 in mờ geh tam pà cau kòp.

Cau mblàng Ndong Brawl