VOV4.K’ho - Tàm pơrjum geh pờ tơlik tàm internet đah Bộ Y tế mờ ală càr, ƀòn dờng bè broă lơh jăt broă cit sơnơm vaccine rơcang sơndră mờ kòp Covid-19 mho ngai 17 nhai 11, Thứ trưởng Bộ Y tế ồng Đỗ Xuân Tuyên pà git, tŭ do geh uă càr, ƀòn dờng bơyai lơh cit sơnơm vaccine rơcang sơndră mờ kòp Covid-19 lơyài, dờp sơnơm ờ tơl, lơh gơrềng tus mờ broă tơrgùm broă rơcang sơndră mờ kòp bal bơh gùt lơgar dê.

Tŭ do gùt lơgar neh tam pà mờr 130 tơlăk ding sơnơm vaccine rơcang sơndră mờ kòp covid-19, tàm hơ̆ tiah đah jum dà lơgar geh tam pà uă ngan mờ di pơgăp 60 tơlăk ding sơnơm vaccine, tiah đah tô dà lơgar mờ mờr 49 tơlăk ding sơnơm vaccine, tiah tàm gùl lơgar rơlao 14 tơlăk ding sơnơm vaccine mờ Tây Nguyên là rơlao 4 tơlăk 700 rơbô ding sơnơm vaccine. Gùt lơgar neh cih rơlao 102 tơlăk ding sơnơm vaccine rơcang sơndră mờ kòp Covid-19.

Cau mblàng Ndong Brawl