VOV4.K’ho- Jat jơnau pơlam bơh Bộ Y tế dê, tŭ do kơnòm dềt hơ đơm 18 sơnam ờ hềt geh cit sơnơm vaccine rơcang sơndră kòp Covid-19, den tàng, dilah ờ kuơmàng den mè bèp, cau dờng pal pleh ờ ai kơnòm dềt lik lòt tàm gùng. Gơ rềng tus broă lòt rê bơh kơnòm dềt dê tŭ 2, 3 càr, ƀòn dờng pờ mpồng wơl, dilah pal lik lòt tàm gùng, kơnòm dềt hơ đơm 18 sơnam pal lơh jat jơnau sồr 5K. Bè rơndap broă cit sơnơm vaccine rơcang sơndră kòp Covid-19 kơnòm dềt in, Bộ Y tế neh lam lơh bơt bơtàu jơnau pơlam gơ rềng tus broă cit sơnơm vaccine ai kơnòm dềt bơh 5 tus 17 sơnam in.

Lài hơ̆, tàm dơ̆ pơrjum ƀău ờs mờng Chính phủ, Thứ trưởng Bộ Y tế ồng Đỗ Xuân Tuyên pà git, neh đơng lam Cục Y tế dự phòng mờ Mpồl duh broă sơnơm vaccine dà lơgar kơlôi sơnơng, bơh sơn rờp ring bal jat tàm tơl bơta sơnơm vaccine nàng cit kơnòm dềt hơ đơm 18 sơnam in. Broă do gam geh dan jơnau đơs bơh ală cau khoa học mờ anih lơh broă mờng chài dê nàng ai tơlik tàm tơngai gờñ ngan rlau jơh.

Cau mblàng K’Duẩn