VOV4.K’ho - Drim òr (30/08), tập đoàn Phương Trang pơn jăt tai dong kờl ai ƀòn dờng Hồ Chí Minh in rơlao 2 rơbô nơm phan lơh sơnơm pa nàng rơcang sơndră mờ kòp Covid-19.

                                          Ală măi tă nhơm geh dong kờl sơm kòp Covid-19

Mùl màl, khà phan lơh sơnơm geh 2 nơm măi tă nhơm xâm lấn pa, 115 nơm măi dong kờl tă nhơm HFNC bơrlŭ bal nhơm oxy nén điện tử mờ ai tai rơlao 2 rơbô nơm măi lơh Oxy khà uă. Ală măi tă nhơm xâm lấn geh tam pà ai hìu sơnơm 30/4 – Bộ Kuang àng (tiah sơm kòp Đa tầng bơh kòp Covid-19 Nhà Bè pa crơng gơs). Ală măi dong kờl tă nhơm, măi lơh Oxy khà uă geh ai tus ală hìu sơnơm, hìu sơnơm lơh ing in... tàm ƀòn dờng Hồ Chí Minh nàng drơng tàm broă sơm kòp cau kòp Covid-19 in. Lài mờ hơ̆, Tập đoàn Phương Trang neh blơi 99 nơm rơndeh Toyota 16 nơm jơnờng nggui rài 2021 pa 100% nàng lơh gơs rơndeh sơnơm nàng di tŭ dong kờl sơm kòp cau kòp Covid-19 tàm ƀòn dờng Hồ Chí Minh mờ ală càr, ƀòn dờng ndai in..., tơnguh khà rơndeh 16 nơm jơnờng nggui tus 325 nơm geh tam gơl lơh gơs rơndeh sơnơm. Bơh nggùl nhai 6 nam 2021 tus tŭ do geh rơlao 500 nơm rơndeh bơh tập đoàn geh hòi jà bal mờ rơlao 1 rơbô nă cau măi rơndeh tus bal tam dră mờ kòp Covid-19.

Cau mblàng Ndong Brawl