VOV4.K’ho - Tơn jơh jơgloh, tơmù rơ[ah tiah kơh bơnơm, tiah làng bol kòn cau là 1 tàm ală broă lơh lài ngan bơh Đảng, Dà lơgar mờ neh geh uă broă dong kờl cau rơ[ah. Mơya, tàm Tây Nguyên, broă tơn jơh rơ[ah, tàm hơ\ uă ngan là tiah làng bol kòn cau gam tìp uă kal ke mờ uă bơta kal ke pal geh bơsong.

Hìu nhă bi Rơ Châm Thuý, kòn cau Jarai, kis tàm [òn Prép, xã Ia Phí, kơnhoàl Cư\ Păh, gơwèt mờ rơ[ah den tàng 3 nam lài geh càn 20 tơlăk priă kờ` bơcri tàm broă tam kơphe. Jăt bi Thuý yal, 20 tơlăk priă tàm 3 nam là ờ uă, bi pal càn tai bơh ală cau tàm hìu nhă, tàm jơi nòi, mơya kung mìng geh tơl tam 1 bơnah suơn kơphe tàm bă ù ơnàng 7 sào geh mè bèp pà.

Sền ală tòm kơphe hòn gơs niam mờ gam geh plai, bi Thuý kơ\p kờ`, di lah tơl priă bơcri tam jơh tàm 1 bă ù, mìng 3, 4 nam tai den bi geh tơm jơh dồs mờ klàs mờ rơ[ah, geh tu\ bi kung kơlôi tus mờ broă lơh pas di lah geh priă kờ` tam bơrlu\ ală bơta tòm chi sa plai:

-Hìu nhă tơrgùm tam kơphe, mơya tu\ do kung gam ờ tơl priă. A` kơ\p kờ` geh dong kờl càn tai priă kờ` lơh sa, tam tai kơphe ha là tòm chi sa plai, geh bè hơ\, hơ\ sồng tơn jơh jơgloh, tơmù rơ[ah.

Tàm [òn Prép, 100% hìu rơ[ah mờ ndrờm mờ rơ[ah neh geh càn priă sa priă cồng ờ uă, ală hìu ndrờm bè hìu nhă bi Rơ Châm Thuý, gam “ờ geh priă” mờ kơ\p kờ` geh càn tai priă. Mơya jăt bi Rơ Châm Hrưng, atbồ mpồl càn priă [òn Prép yal, bu\ lah ờ tơl priă, ală hìu nhă gơwèt hìu rơ[ah gam “Bơtoah”. Bơtoah tàm do là tài ală hìu do gam geh càn priă mờ sa priă cồng ờ uă. Ală hìu neh klàs mờ rơ[ah rơlao 3 nam ha là ờ geh rơwah gơwèt hìu rơ[ah den “Ờ geh càn priă”.

Ală hìu do ờ geh càn priă bơh Ngân hàng Chính sách tài ờ gơwèt hìu rơ[ah, càn priă bơh ngân hàng ndai den ờ gơtùi tài ală làng bol ờ geh sră ngui ù. Geh ờ uă cau geh sră ngui ù kung kal ke kờ` geh càn priă, tài ală ngân hàng kă bro ờ kờ`, ngòt gơbàn rềs àr tu\ ai càn tàm tiah sar lơgar ngài, tiah kal ke. Den tàng, jăt bi Hrưng yal, bal mờ broă tơnguh khà priă ai càn hìu rơ[ah in, gơwèt mờ ală [òn tàm tiah kal ke bè [òn Prép, Dà lơgar kung pal geh broă dong kờl kờ` ală hìu làng bol ờ gơwèt hìu rơ[ah, ndrờm mờ rơ[ah geh càn priă bơh Ngân hàng Chính sách:

-Làng bol kung kờ` geh càn priă kờ` bơcri tàm broă lơh sa kă bro, tài ù tiah tàm do ờ hềt geh lơh sră ngui ù, den tàng ờ geh càn priă mờ ală ngân hàng ndai. Den tàng kơ\p kờ` ngân hàng Chính sách ai tơl bơta niam làng bol kis tàm do in, dong kờl làng bol geh càn priă kờ` lơh sa.

“Ờ geh càn priă” ha là “Ờ geh priă” lơh tus gơbàn là làng bol tàm uă [òn kòn cau tàm càr Gia Lai pal lòt càn mờ cau kă bro hờ bơdìh mờ priă cồng uă bơh 3 tus 5% tàm 1 nhai, ndrờm mờ bơh 36 tus 60% tàm 1 nam. Bơnah priă jơnkah làng bol lơh geh mìng geh lơh pas ai ală cau kă bro do in.

Ồng Nguyễn Văn Cư, kuang atbồ Ngân hàng dà lơgar càr Gia Lai dờp là, broă làng bol, tàm hơ\ uă ngan là làng bol kis tàm tiah sar lơgar ngài, làng bol rơ[ah pal càn priă mờ cau kă bro mờ priă cồng uă geh bơnah kơnòl bơh đah ngân hàng dê. Mờ kờ` kơrian bơta do bal mờ broă lam sồr kờ` tam gơl jơnau g^t wă làng bol in den gđah ngân hàng kung pal tam gơl pa, lơh niam wơl broă lơh sră nggal kờ` [uơn rơlao ai cau càn priă in:

-Tàm tơngai tus, gam gàr sùm kơrnoăt do, mơya pal pơn jăt tai lơh niam wơl sră nggal rơlao tai, lơh bè lơi gam atbìô geh priă, mơya pal [uơn rơlao ai cau năc in. Ai tơl bơta niam bè hơ\ den bơh 2 đah, ngân hàng geh bơcri priă mờ làng bol geh priă den broă ai càn priă sa priă cồng uă hờ bơdìh ờ hoan geh lơh broă.

Jăt ồng Dương Văn Trang, Bí thư Tỉnh ủy, Chủ tịch HĐND càr Gia Lai yal, broă tơn jơh rơ[ah àm tiah làng bol kòn cau càr do dê gam kal ke ngan. Khà cau rơ[ah là cau kòn cau tu\ do gam uă ngan. Pal kah ngan, khà cau rơ[ah càr Gia Lai sơlơ gơmù den khà hìu rơ[ah kòn cau sơlơ gơguh, tài geh uă hìu làng bol klàs mờ rơ[ah là hìu cau yoan:

-Gùt càr geh 45 rơbô 340 hìu rơ[ah den hìu làng bol kòn cau geh 86,5%. Tàm 100 hìu rơ[ah den geh mờr 87 hìu là làng bol kòn cau. Do là broă ờ du\k ơm ngan bơh Đảng bộ càr Gia lai dê. Hìu ndrờm mờ rơ[ah kung bè hơ\, tu\ do gam 33 rơbô 404 hìu mơya làng bol kòn cau kung geh 74%.

Neh rơlao uă nam tam gơl pa, làng bol kis tàm ală [òn neh rơhời tam gơl bồ tơngoh, broă lơh sa. Den tàng, uă cau neh càn priă kờ` bơcri tàm broă lơh sa, mơya kal ke tu\ do là tàm tu\ priă dong kờl gam ờ uă, broă kờ` geh càn priă ndai den kal ke. Do là 1 tàm ală bơta tòm lơh ală [òn làng bol kòn cau kis tàm tiag sar lơgar ngài, kal ke kờ` klàs mờ rơ[ah mờ ờ pràn tàm broă tơnguh bơtàu.

Cau mblàng Ndong Brawl