VOV4.K’ho - Tơnơ\ mờ mờr 8 nam lơh jăt, broă dong kờl tơm priă sền gàr brê geh lơh tàm càr Kon Tum gam sơlơ ngai sơlơ geh niam, tơnguh cồng nha tàm broă atbồ, sền gàr mờ tơnguh bơtàu brê.

Tơnơ\ mờ mờr 8 nam lơh jăt broă tơm priă sền gàr brê tàm càr Kon Tum, cồng nha mùl màl ngan là ală cau tòm brê neh geh priă kờ` bơcri tàm broă tam mờ sền gàr brê. Gơwèt mờ Công ty lam nghiệp tu\ pal til mpồng, ơm kơl chi bơh brê hòn is den do mùl màl là broă dong kờl kờ` sền gàr brê geh cồng nha, pơgồp bal niam tàm bă brê geh tu\ do mờ tam tai brê. Ồng Nguyễn Trọng Nhất, Phó kuang atbồ mpồl atbồ brê rơcang gàr lài Đăk Long, do là mpồl gam atbồ mờr 15 rơbô lồ brê rơcang gàr mờ ù brê lơh sa, tàm hơ\ geh di pơgăp 14 rơbô 400 lồ brê geh dờp broă tơm priă sền gàr, pà g^t.

Bal mờ broă lơh jăt niam broă tơm priă sền gàr brê, kờ` ală mpồl bơtiàn bal mờ làng bol sơlơ ngai sơlơ đềt mềr rơlao mờ brê. Kes priă sền gàr mờ tam brê càr Kon Tum gam sền kuơ tàm broă bơto sồr ngui geh cồng nha priă geh bơh broă dong kờl do. Mìng is tàm nam 2017, kes priă do neh bơyai lơh 32 dơ\ pơrjum lam sồr bè broă tơm priă sền gàr brê, pơgồp bal tàm broă bơsram tàp atbồ ngui priă sền gàr brê tàm xã. Bi Hoàng Trọng Huy, cau sền gàr brê tàm xã Đăk Long, gơwèt mpồl sền gàr brê kơnhoàl Đăk Glei pà g^t.

Mùl màl pà go\, ală mpồl bơtiàn neh bơyai lơh atbồ mờ ngui priă sền gàr brê geh cồng nha ai 03 broă lơh tòm: tă a broă atbồ, sền gàr brê; tă aia lă broă lơh bal bơh mpồl bơtiàn mờ ngui priă sền gàr brê ai broă tơnguh bơtàu rà kis lơh sa.

Gơwèt mờ hìu nhă neh geh tai jơnau g^t wă mờ bơta ngăc ngar tàm broă ngui priă sền gàr brê pơgồp bal mờ ală khà priă ndai bơh hìu nhă dê kờ` tơnguh bơtàu lơh sa, tơn jơh jơgloh tơmù rơ[ah. Do là bơta tòm kuơ màng kờ` làng bol sơlơ ngai sơlơ đềt mềr mờ geh kơnòl rơlao mờ brê. Bi A Đruế, kis tàm [òn Kon Ke 2, xã Đăk Long, kơnhoàl Kon Plông, là 1 nă cau đềt mềr tàm mpồl sền gàr brê pà g^t.

Tơnơ\ mờ mờr 8 nam lơh jăt broă dong kờl tơm priă sền gàr brê, kờp tus nam do, càr Kon Tum neh geh rơlao 361 rơbô lồ brê ai broă lơh drơng ala mờ brê. Gùt càr geh 22 mpồl cau tòm brê là mpồl lơh broă, 74 UBND xã, thị trấn, mờr 3 rơbô 600 hìu nhă, 21 mpồl [òn geh jào ù, jào atbồ bă brê geh ngui broă drơng ala.

Jăt kơrnoăt sồ 358, ngai 11 nhai 4 nam 2018 bơh UBND càr Kon Tum ai, nam do, kes priă sền gàr mờ tơnguh bơtàu brê tàm càr Kon Tum geh rơlao 248 tơmàn priă tơm sền gàr brê bơh ală mpồl ngui broă lơh drơng ala, gơguh di pơgăp 80% jăt mờ nam lài. Do là bơta pràn kơl màng kờ` brê pơn jăt tai geh atbồ, sền gàr mờ tơnguh bơtàu niam.

Cau mblàng Ndong Brawl