VOV4.K’ho - Pria\ geh la broa\ lơh sồ 10 tàm Bộ broa\ lơh dà lơgar bè bơt bơtàu [òn lơgar pa mờ geh đơs la dùl tàm ala\ broa\ lơh kan ngan lơh geh  ngan. Tàm xã Bình Hòa, kơnhòal Krông Ana, càr Dak Lak, đảng bộ, gơnoar atbồ neh mut lơh ua\ ngan broa\ lơh nền nòn, geh pơnjờng làng bol bơtàu tơngguh lơh sa,  bơtàu tơngguh khà pria\ geh, nàng gàr kơljap mờ bơtàu tơngguh khà niam  bơh ala\ broa\ lơh bơt bơtàu [òn lơgar pa.

            La xã mìng lơh sa suơn sre lơm,  geh tờm ngan bơh la lơh kòi sre mờ ròng phan, rài kis làng bol gam ua\ ngan kal ke den tàng tu\ geh rwah la xã lơh lài nàng mut lơh broa\ lơh bơt bơtàu [òn lơgar pa bơh kơnhòal Krông Ana, ờ cau lơi pin la tơnơ\  mờ 5 nam xã Bình Hòa gơtùi lơh gơs la xã tơl khà [òn lơgar pa. Mơya,  kơnờm bơh bơta lơh bal,  dùl nus bal bơh đảng bộ, gơnoar atbồ tus mờ làng bol, muh mat xã Bình Hòa slơ ngai slơ tam gơl pa ngan. Rài kis bơh làng bol  sùm bơtàu tơngguh. Dilah  bè tàm nam 2010, pria\ geh kờp bal  tơl na\ cau tàm xã  mìng 18 tơlak pria\, den tus tu\ do neh gơ guh tus 2 dơ\, mờ  pria\ geh la 33 tơlak pria\. Khà hìu nha\ rbah gam 130 hìu tus 6,7% khà kờp làng bol, gơmù 11,3% pơndrờm mờ nam 2011. Hìu đam, ala\ tiah làng bol ơm kis geh lơh niam, lơh pa…, pria\ geh kờp bal neh gơguh pơnjat bal chồl guh rài kis chài rgơi nùs nhơm bơh làng bol kung geh tơngguh. La cau geh sền go\ ngan bơta tam gơl bơh [òn lơgar bơh tu\ mut lơh bơt bơtàu [òn lơgar pa, ồng  Trần Thanh Hiền, kis tàm [òn 2, xã Bình Hòa chờ hờp đơs:

            Pơgap mờ do 7 nam rê hờ lài, gùng lòt tàm [òn bơ\ mbè ngan lòt rê kal ke ngan mờ làng bol Bình Hòa mìng lơh kòi sre lơm,  geh 2 dà  dờng la Krông Na mờ Krông Nô tiah thòng pah nam sùm gơbàn tih dà, mơya bơh geh broa\ lơh [òn lơgar pa, geh lơh gùng lòt tàm dơlam sre,  cau lơh sre lơh sa di tơngai slơ ngai slơ gơguh rài kis slơ bơtàu tơngguh. Tu\ do,  xã bol a` geh tus 7 [òn geh 80% gùng lòt tàm [òn geh lơh mờ bêtông. Bè kơnòm bơsram lòt bơsram den 100% kơnòm bơsram tàm sơnam lòt bơsram geh lòt bơsram. Hìu bơsram tơl khà la 3 hìu bơsram.

            Geh cồng nha do, tài xã Bình Hòa geh gùng ai broa\ lơh la pria\ geh la bơta tờm ngan tàm broa\ bơtàu tơngguh lơh sa tàm [òn lơgar. Mùl màl kung ai go\, làng bol  geh pria\ gơguh geh dong tơl bơta nàng bơtàu tơngguh ala\ broa\ ndai. Den tàng,  nàng mut lơh geh cồng nha broa\ lơh do, xã neh mut lơh trơ gùm ù,  tơl gơl ba\ lo\ sre, lơh niam wơl blàng sre, geh lơh bal mờ ala\ gah lơh broa\ geh  gơnoar ai bơsram bơta chài lơh sa, ròng phan ai làng bol in. Mơ kung, trơ gùm, pơ gồp bal jơh ala\ khà pria\ ai làng bol  in geh càn bơtàu tơngguh lơh sa. Tơl [òn tam gơl broa\ lơh sa, tam gơl rơndap chi tam di pal jat broa\ lơh tơngguh cồng nha lơh geh tus mờ kòi, tơngời, kơphe, tiêu… Tàm hơ\ geh lơh ngan la lơh kòi sre, cồng nha lơh geh kờp bal tus 9 tấn tàm dùl lồ. Bơta kuơ lơh sa tàm dùl lồ ù lơh sa geh tus 120 tơlak pria\ tàm dùl nam ai  geh ua\ tai broa\ lơh tàm do tơn, pơ gồp bal sang sơbì jơ gloh tơmù rbah. Ồng Phạm Hồng Khánh, Bí thư chi bộ [òn 4, xã Bình Hòa đơs:

            Bal mờ ròt chính trị kung bè chi bộ [òn 4 neh lam sồr làng bol  lơh ngan lơh sa. Nền nòn bè làng bol bol a` geh ngan bơh làng bol dê la bơh kòi sre mờ kơphe, bè hơ\ tu\ do geh ua\ bơta la trơ gùm bơh pria\ càn ngân hàng chính sách xã hội nàng geh lơh niam lơh sa hìu nha\. Dơ\ 2, ala\ mpồl bơtìan khi kung geh pria\ dong kờl, tus [òn gah cau lơh broa\ sa, cau ùr kung hòi jà geh kes pria\ nàng  dong kờl ai cau rbah geh dùl khà pria\ lơh sa lik klàs rbah.

            Nhai 5 pa do, xã Bình Hòa, kơnhòal Krông Ana, càr Dak Lak geh dờp la xã tơl khà [òn lơgar pa. Jat ồng Lê Như Diệu, Chủ tịch UBND xã, do mìng  la broa\  bơh sơnrờp lơm, nàng gàr niam khà do, tàm tơngai tus Đảng bộ, mờ làng bol pơnjat tai geh chồl guh bơta kuơ ù tiah,  tam gơl broa\ lơh,  khin ngan bơcri tàm lơh sa bơtàu  tơngguh lơh geh, khà geh, lơh sa phan bơna trơ gùm bal, mờ pờ  ơnàng ala\ gah lơh broa\. Sền kuơ lơh bal bơh cau lơh sa mờ mpồl lơh sa ka\ bro tàm broa\ lơh sa mờ ka\ bro phan lơh geh, gàr niam pria\ geh, kơljap:

            Lơh geh  [òn lơgar pa mìng rơp là broa\ sơnrờp, den tàng bol a` gam sền gròi ngan rlau tai tus khà niam bơh ala\ broa\ lơh, pơnjat tai geh mblàng làng bol in  wa\ nàng làng bol attê bal mờ đảng bộ, gơnoar atbồ lơh geh ala\ broa\ lơh kơljap pràn rlau pơ gồp bal jơh jơgloh tờmu tbah làng bol in. Dơ\ 2 la pal tơngguh pria\ geh, mờ dùl xã mìng lơh sa suơn sre bol a` pal geh broa\ lơh, cơ chế lơh sa tơngguh pria\ geh rlau 1 ba\ ù lơh sa den hơ\ sồng lơh geh ala\ broa\ lơh mờ làng bol neh ring bal, gơnoar atbồ neh ai tơlik lơh.

            Broa\ lơh tờm bơh  bơt bơtàu [òn lơgar pa la nàng bơtàu tơngguh lơh sa suơn sre, [òn lơgar kơljap, bơtàu tơngguh rài kis làng bol [òn lơgar. Tàm ala\ nam do,  xã Bình Hòa, kơnhòal Krông Ana, càr Dak Lak neh sền gròi tus bơta kuơ mùl màl  làng bol dê, jơh mờ nùs nhơm mờ phan bơna, chồl guh bơnga\ lơh tờm bơh làng bol. Mờ broa\ lơh hơ\, Đảng bộ, gơnoar atbồ mờ làng bol xã Bình Hòa lơh ngan tus nam 2020, tơngguh pria\ geh kờp bal tơl na\ cau tus 43 tơlak pria\.

            Cau mblàng K’ Brọp