VOV4.K’ho - Tàm dơ\ bơyai lơh Festival bơkàu Dà Làc dơ\ VII pa geh lơh tàm tu\ lồi nam 2017 pa do, UBND càr Lâm Đồng neh bơyai lơh Pơrjum cri  bơyai bơtàu tơngguh tiah drà Dà Làc bal mờ prap gàr jat geh gùng rơndap broa\ bal bơh [òn dờng Dà Làc mờ ala\ tiah rềp bal tus nam 2030, geh broa\ lơh tus nam 2050. Rlau 100 na\ cau kuang la ala\ cau jak lam bồ gah do, kiến trúc sư mờ ala\ mat ala\ viện, ala\ hìu bơsram tàm gùt lơgar tus bal geh ai tơlik ua\ ngan jơnau đơs tus broa\ lơh geh gùng  bơtàu tơngguh  Dà Làc tàm rnàng tơnơ\ do.

            Dơ\ cri bơyai  geh đơs tờm, bơdĩh mờ rơm hơm niam bơh trồ mriềt mờ brê nho geh is, Dà Làc gam geh bơta kuơ bè chài rgơi,  rài kah yau krơi is mờ kes phan bơna tiah drà ‘’mìng tiah do lơm geh’’, là dùl [òn  dờng geh tơl ala\ bơta kuơ tờm ngan, gơ gơs la dùl tàm ala\ tiah drà ơm rlô sa\ gơ hòi gơ jà, niam ngan rlau jơh bơh  lơgar Việt Nam.

            Jat geh  rơndap tap sèng tus nam 2030, mờ geh broa\ lơh tus nam 2050 neh geh Thủ tướng Chính phủ ky\ sra\, Dà Làc neh geh rơndap broa\ nàng  prap gàr, bơtàu tơngguh  gơs la  tiah drà krơi is bè rơndap bơtàu tơngguh,  hìu đam, chài rgơi,  phan bơna chi che geh is, bơt bơtàu Dà Làc gơ gơs la tiah drà nhơl chờ-chài rgơi, tơlir niam mờ pa ngan geh tơl khà dunia. Tàm hơ\,  tơnggu me geh  kờ` prap gàr mờ bơtàu tơngguh la tơnggu me ring bal ua\ ngan làm jơh tàm ala\ rơndap broa\ mờ kờ` geh mut lơh dơle\ bal, tơl mờ geh cồng nha.

            Bulah bè hơ\,  tàm broa\ lơh  bơt bơtàu tiah drà mhar ir geh lơh Dà Làc gam gơ lik geh ua\ ngan bơta ờ niam, hơ\ la:  muh mat hìu đam, phan bơna tiah drà gơbàn ờ  gam ring niam mờ ờ le\ ngan, ba\ chi nho mờ mat dà neh gơ bàn  gơ srềp, ròt phan bơna tiah drà neh gơbàn gal ir, ờ gam ring,  ờ  dơ ne\ dơ nài bơh  lơh geh hìu krơh-hìu jàl  lơh broa\ sa suơn sre mờ phan bơna tiah drà, broa\ lơh atbồ hìu đam, tiah ha pah, bơtàu tơngguh bơt bơtàu, ngan la gah broa\ rơndap prap gàr ala\ tiah phan bơan hìu đam… la gơbàn ờ niam ngan.

            Kiến trúc sư Trần Ngọc Chính, Chủ tịch Mpồl rơndap broa\ bơt bơtàu, bơtàu tơngguh tiah drà Việt Nam đơs la,  kờ` cri bơyai bè geh gùng  prap gàr mờ  bơtàu tơngguh  Dà Làc lài jơh la pal git loh 4 bơta tờm ngan geh ai go\ tờm ngan, lài  do geh bơh [òn dờng do dê:

            Kờ` cri bơyai bè Dà Làc den bol he pal sền go\ geh ala\ bơta tờm mờ gơ krơi is jơh ala\ tiah drà Việt Nam bol he. A` đơs tờm ngan la Dà Làc geh 4 tơnggu me kuơ màng ua\ ngan  mờ tờm ngan la: hơ\ la, trồ tiah  mriềt niam, phan bơna geh is niam, chài rgơi mờ phan bơna hìu đam. 4 tơnggu me hơ\ bơh Dà Làc la gơ krơi is ngan mờ ala\ tiah drà ndai tàm lơgar, den tàng bol he lơh rơndap broa\ den kờ` pal sơmơng nền nàng bơt bơtàu tiah drà do lơh bè lơi sền gàr geh ala\ bơta  niam krơi is hơ\, den Dà Làc hơ\ sồng bơtàu tơngguh di bơta kờ` bơh tiah drà nhơl chờ ơm rlô sa\ mờ phan bơna gơ cèng wơl tơl khà dunia.

            Ala\ cau jak neh cri bơyai bè broa\ lơh prap gàr hìu đam Dà Làc tàm geh gùng [òn drà bơtàu tơngguh mhar, bơta lòng mờ di tu\, bơtàu tơngguh ha pah phan lời wơl, phan bơna geh is drơng gah nhơl chờ Dà Làc, broa\ lơh atbồ tiah drà tus mờ ala\ broa\ lơh hìu geh  bơta kuơ jơnhua,  ờ ua\ jơnau bơsram mờng tàm lơgar mờ dunia bè broa\ lơh prap gàr…

            Jat ồng Lê Quang Trung, atbồ Sở Xây  dựng càr Lâm Đồng, dơ\ cri bơyai neh geh jơnau tơlik geh ua\ bơta mờng mờ ala\ bơta kuơ bè  gah học thuật, hơ\ la  bơrnàng khoa học kờ` Lâm Đồng cơnđòa tus broa\ lòt sền,  sơnơng nền, rwah broa\ lơh lơi nàng  prap gàr mờ bơtàu tơngguh niam ngan rlau jơh tus mờ tiah drà Dà Làc rnàng tơnơ\ do:

            Bơh gah lơh broa\ bơh anih lơh broa\  chài ngan dong boa\ tus UBND càr den bol a`  go\ la, tơl jơnau cih sền tềng do drờm geh ai tơlik [òn lơgar  in ala\ broa\  lơh nền nòn. Geh tu\ bol he neh pal mut lơh ala\ bơta atbồ bồ, prap gàr kờ` Dà Làc, mơya kung gam gàr niam tus bơtàu tơngguh bơh [òn dờng  Dà Làc tơnơ\ do in bè lơi. Do la dùl tàm ala\ dơ\ cri tơr`a bơh gah broa\ lơh  chài ngan den a` sơnơng tơl khà  jơnhua ngan,  drơng tờm ngan tus broa\ lơh atbồ tơnơ\ do  Dà Làc in.

                                    Cau cih mờ yal tơnggit K’ Brọp