VOV4.K’ho - Tổng cục Thuỷ Lợi pa tơn jơh dơ\ tus sền bè broă lơh kơl jăp niam ờ do ờ dă bơtơ\t, tơnao dơng dà tàm ală càr Tây Nguyên. Bơh tu\ hơ\ pà go\, broă geh pơnrơ ngan là g^t nđờ rơhiang broă lơh bơtơ\t rơbòng dà gơwèt Tổng Công ty kơphe Việt Nam, tàm hơ\ tơrgùm uă ngan tàm càr Dak Lak neh gơbàn ờ kơl jăp uă ngan, mơya ờ hềt geh broă lơh wơl kờ` kơl jăp. Broă do pal geh bơsong bè lơi?

Ồng Dương Quang Cường, kuang atbồ Công ty TNHH MTV kơphe Ea H’ Nin, gơwèt Tổng Công ty kơphe Việt Nam pà g^t, tu\ do Công ty do gam atbồ 7 broă lơh bơtơ\t rơbòng dà.

               Kuang atbồ Tổng cục Thuỷ lợi lòt sền bơtơ\t dơng dà tàm kơnhoàl Cư\ Kuin càr Dak Lak

Ală bơtơ\t do ndrờm geh lơh neh rơlao 20 nam do, geh uă bơtơ\t bơ\t mờ ù gời, ờ geh bêtông, neh gơbàn ờ kơl jăp uă ngan, mơya ờ geh priă lơh kơl jăp wơl. Ờ su\k ngan là tơnao dơng dà tàm xã Ea Ning, kơnhoàl Cư\ Kuin neh gơbàn làng bol sơgràm, tờ tơnao ròng ka tơn tềng jơng bơtơ\t, ngòt rơngơ\t ngan.

-Ală bơtơ\t dơng dà do ndrờm geh lơh lài mờ ală nam 1990, tus tu\ do neh ờ kơl jăp tai. Công ty bal tàm broă rơndăp tam gơl pa mờ tơn jơh lơh broă, khà priă kal ke ngan. Ală kơrnoăt bè bơtơ\t rơbòng dà den bol a` ờ hềt geh lơh, geh uă bơta tìs. Ală bơtơ\t dơng dà ndrờm geh bơ\t mờ ù lơm, den tàng dà cò pơrdô là geh ngan. Tus tu\ do, ală bơtơ\t do neh ờ kơl jăp tai, pal geh broă lơh wơl. Di lah lời jo\ den gơbàn rềs àr là uă ngan.

Kung ndrờm mờ tơnao dơng dà Ea Puôr bơh Công ty TNHH MTV kơphe Ea Ktur, kung tàm xã Ea Ning, kơnhoàl Cư\ Kuin sơl geh bơ\t bơh nam 1989, gam ờ kơl jăp ngan. Broă lơh anih yuh dà ờ gơtùi til tai den tàng dà gơl^k bơdìh mờ khà uă ngan. Tàm kàl mìu, dà lìu bơh bơtơ\t, lơh gơbàn dà cò uă ngan, lơh jơng bơtơ\t gơbàn siar, di gơlan gơbàn tơrlah, ngòt rơngơ\t ngan.

Uă bơtơ\t dơng dà bơh Tổng Công ty kơphe Việt Nam geh bơ\t mờ ù gời den tàng neh ờ kơl jăp tai mơya priă lơh kơl jăp wơl ờ geh

Jăt Tổng Công ty kơphe Việt Nam, do là mpồl lơh broă geh 125 nơm tơnao dơng dà, tơrgùm uă ngan tàm càr Dak Lak yal. Ală broă lơh bơtơ\t dơng dà do geh lơh pơgăp mờ do bơh 20 tus 30 nam, tàm hơ\ geh 2 bơnah 3 broă lơh ờ geh sră lơh; ndrờm geh ală nông trường lơh is, ờ geh broă lơh di pal. Ồng Lê Thế Chỉ, Phó kuang atbồ Tổng Công ty kơphe Việt Nam dờp, g^t nđờ 10 nam do, công ty do ờ geh priă kờ` bơcri priă lơh kơl jăp wơl ală broă lơh bơtơ\t rơbòng dà; broă atbồ mờ lơh broă gam uă kal ke.

-Geh uă ngan tơnao dơng dà neh ờ kơl jăp tai. Pah nam, broă atbồ den đơs ngan là ală tơnao dà rềp mờ mpồl lơh broă den jào cau atbồ ai cau geh hìu rềp tềng bơtơ\t dơng dà hơ\ atbồ tơn, ndrờm mờ broă lơh ơpah gàr, geh broă lơi den yal. Nùs nhơm là bè hơ\ ờ geh mpồl lơh broă lơi lơh tòm mờ geh broă lơh di pal. Bè broă sồr bơh Sở, bơh Cục dê den Tổng công ty kơphe Việt Nam ờ geh bơta lơi kờ` geh lơh.

Tàm càr Dak Lak tu\ do geh mờr 780 broă lơh bơtơ\t rơbòng dà, tàm hơ\ geh 333 bơtơ\t dờng neh geh jào Công ty TNHH MTV atbồ broă lơh bơtơ\t rơbòng dà atbồ lơh broă, gàr niam ờ do ờ dă; khà gam tai jào UBND kơnhoàl atbồ. Ồng Mai Trọng Dũng, Phó kuang atbồ Sở Nông nghiệp mờ Phát triển nông thôn càr Dak Lak pà g^t, uă broă lơh bơh Tổng công ty kơphe Việt Nam neh ờ kơl jăp tai, mơya ờ geh priă kờ` lơh kơl jăp wơl, di gơlan gơbàn rềs àr là uă ngan.

-Ală broă lơh bơh Tổng công ty kơphe Việt Nam, ală nam pa do ờ geh priă kờ` bơcri lơh. Ală công ty kơphe gơwèt bal đơs là tu\ do ờ geh priă, dan kờ` lơh kơl jăp ing kung ờ geh sơl, den tàng geh uă broă lơh neh gơbàn ờ kơl jăp uă ngan. Geh ală broă lơh, pah tu\ geh mìu là bol a` bal mờ gơnoar atbồ pơgồp bal, geh tu\ pal ai [ào bơ\t kờ` ba` gơbàn lìu dà tềng bơtơ\t mơya neh gơbàn tơrlah uă ngan.

Pa do, tơnơ\ mờ tu\ sền mùl màl mờ lơh broă mờ kuang bàng đơng lam UBND càr Dak Lak, ồng Nguyễn Văn Tỉnh, kuang atbồ Tổng cục Thuỷ lợi tơl^k nùs nhơm ờ su\k ơm ngan tềng đăp mờ broă gơbàn ờ kơl jăp tai bơh g^t nđờ 10 broă lơh bơtơ\t rơbòng dà tàm càr do, tàm hơ\ uă ngan broă lơh geh Tổng công ty kơphe atbồ.

Tổng cục Thuỷ lợi sồr càr Dak Lak mờ Tổng công ty kơphe Việt Nam pal ai priă kờ` lơh kơl jăp wơl ală broă lơh bơtơ\t dơng dà pal geh lơh mhar, ring bal gùng dà broă lơh jào ală bơtơ\t dơng dà ai càr do in atbồ, lơh broă kờ` gàr niam ờ do ờ dă.

-Kơnòl bè broă atbồ niam ờ do ờ dă bơtơ\t, tơnao dơng dà là bơh UBND càr. Bu\ lah cau ngui là bơh Tổng công ty kơphe Việt Nam dê, mơya UBND càr geh kơnòl pal gàr niam ờ do ờ dă bơtơ\t.

Tơnao dơng dà dờng den bol a` go\ iang nùs rơlao, gam tơnao dơng dà dềt, tàm hơ\ uă ngan là tàm càr Dak Lak là ngòt ngan. Broă tơnao dơng dà dềt mìng geh jào kơnhoàl, xã in sền gàr, dơ\ 2 là Tổng công ty kơphe. Bol a` ờ su\k ơm broă jào atbồ ai ală cau do in, mờ bol a` sền là ờ di pal mờ bơta pràn, ờ tơl pràn den ba` jào.

Kàl mìu neh tus, g^t nđờ rơhiang broă lơh bơtơ\t rơbòng dà tàm càr Dak Lak neh gơbàn ờ kơl jăp tai, tàm hơ\ geh g^t nđờ 10 tiah ờ kơl jăp ngan, ndrờm mờ ală kơl dung ơn dà dờng gam yồng tềng bồt. Gơnoar atbồ càr, gah lơh broă geh gơnoar bal mờ Tổng công ty kơphe Việt Nam pal lơh jăt ală broă kờ sơndră mhar, mờ geh broă lơh jo\ jòng kờ` geh tơl kơl jăp bơtơ\t mờ di pal mờ broă kờ` geh tơl dà tuh sùm ai ală bơta phan tam in tai.

Cau mblàng Ndong Brawl