VOV4.K’ho- Jat Ƀộ Nông nghiệp mờ Phát triển Nông thôn yal, 4 nhai do, kờp jơh priă lơh geh bơh blơi mờ tac hờ lơgar ndai phan lơh gơs bơh suơn sre, brê bơnơm, phan tàm dà kờp dŭ geh mờr 31 tơmàn 800 tơlak dolar Mỹ, gơguh 7% pơndrờm mờ bal dùl tŭ nam lài, priă geh bơh tac uă hờ lơgar ndai phan lơh gơs bơh suơn sre, brê bơnơm, phan tàm dà geh mờr 4 tơmàn dolar Mỹ, uă rlau 3,2 dơ̆ pơndrờm mờ bal dùl tŭ nam lài.

Tàm 4 nhai do, tac hờ lơgar ndai mpồl phan lơh gơs bơh suơn sre tờm ngan geh 7 tơmàn 400 tơlak dolar Mỹ, gơguh 10,5%; phan lơh gơs bơh brê bơnơm tờm ngan geh mờr 5 tơmàn 900 tơlak dolar Mỹ, gơguh 4,9%; phan tàm dà kờp dŭ geh mờr 3 tơmàn 600 tơlak dolar Mỹ, gơguh 43,7%. Gah lơh sa suơn sre neh geh 5 phan mờ mpồl phan geh priă lơh geh bơh tac hờ lơgar ndai geh rlau 1 tơmàn dolar Mỹ, geh: kơphe, phe, mpồl phan biap, plai chi, ka ti, phan dơm chi. Ờ uă bơta phan geh priă lơh geh bơh tac hờ lơgar ndai uă rlau pơndrờm mờ bal dùl tŭ nam lài bè kơphe, kau su, tiêu, bùm blàng mờ ală bơta phan bơh bùm blàng, ka tra, ka ti, ală phan bơh dơm chi. Ală bơta phan geh priă lơh geh bơh tac hờ lơgar ndai gơmù là ce, mpồl phan biap, plai chi, gar điều.

Cau mblàng K’Duẩn