Kơrnoat do bơh Anih duh broă Làng bol càr Dăk Lăk ai lơh jat nàng kờñ sơlơ tơnguh tai bơta kwơ măt kă bro, sền gàr bơngă pin dờn mờ gơnoar kwơ bơh ală gah geh gơrềng dê. Kơrnoat do là broă lơh kwơ màng tàm broă bơt bơtàu mat kă bro kơphê Buôn Ma Thuột ờ mìng tàm drà kă bro tàm lơgar lơm mờ gam tàm drà ală lơgar dê tai.

 Kơrnoat cih loh làng bè jơnau sồr lơh, ơn prap tàm kơldung mờ prap gàr kơphê kung bè cih mat phan bơna pơlam ù tiah Buôn Ma Thuột. Mìng ală phan bơna kơphê Robusta geh tam, tơnhào mờ lơh gơlik tàm tiah ù tiah geh sền gĭt gơwèt ƀòn dờng Buôn Ma Thuột mờ ală tiah rềp bal bơh càr Dăk Lăk dê, lơh geh ală jơnau sồr niam bơkah mùl màl, hơ̆ sồng geh gơnoar ngui pơlam ù tiah do. Ală mpồl cau, cau dồ nă să geh gơnoar ngui pal dan cih mat mờ lơh jat jơnau sồr nền cê ngan, bơh broă tam tus broă lơh gơlik.