VOV4.K’ho- Tổng kụk Lâm nghiệp, Ƀộ Nông nghiệp mờ Phát triển Nông thôn pà git, priă lơh geh bơh tac hờ lơgar ndai phan brê nhai 7 kờp dŭ geh 1 tơmàn 410 tơlak dolar Mỹ, gơguh 5,5% pơndrờm mờ nhai 6 mờ gơmù 1,6% pơndrờm mờ bal dùl tŭ nam lài. Bulah bè hơ̆, kờp bal 7 nhai do, priă lơh geh bơh tac hờ lơgar ndai phan brê kung gam gơguh 1,3% pơndrờm mờ bal dùl tŭ nam lài, kờp dŭ geh 10 tơmàn 420 tơlak dolar Mỹ. Tàm 7 nhai, dơm chi mờ phan brê tac tus 110 lơgar mờ kơnhoàl ù tiah.

Tàm hơ̆, ală drà kă bro bè: Mỹ, Nhờk, Lo, Mpồl tam klac câu Âu, Hàn Quôk pơn jat tai là ală drà kă bro tac hờ lơgar ndai tờm ngan, geh 90% kờp jơh priă lơh geh bơh tac phan hờ lơgar ndai gùt lơgar dê. Mìng is drà kă bro Mỹ, là drà kă bro geh priă lơh geh bơh tac hờ lơgar ndai phan brê uă ngan rlau jơh neh geh bơta gơmù uă, bal mờ 4,9% pơndrờm mờ bal dùl tŭ nam lài den tàng lơh gơmù khà gơguh tac hờ lơgar ndai phan brê bơh bồ nam tus tŭ do.

Cau mblàng K’Duẩn