VOV4.K’ho- Drim ngai 22/4, Mpồl lơh kơphe Buôn Ma Thuột, càr Dăk Lăk bơyai lơh mut lơh dơ̆ pơrlòng Kơphe bơkah Việt Nam dơ̆ 4 jat broă lơh pờ tơlik tơn tàm internet tàm tơrbŏ bal tàm 3 anih pờ tơlik tơn là Buôn Ma Thuột, ƀòn dờng Hồ Chí Minh mờ Hà Nội.

Khà phan tus bal pơrlòng mờ mpồl tus bal pơrlòng nam do uă rlau mờ 3 dơ̆ bơyai lơh lài do. Tơnơ̆ 6 nhai lam lơh, dơ̆ pơrlòng gơ hòi gơ jà 48 mpồl tus bal pơrlòng mờ 83 bơta kơphe tus bơh 7 càr, ƀòn dờng tam kơphe. Dar sơn rờp, sền sơ wì bơta niam liap lài geh lơh bơh ngai 22 tus ngai 27/4. Dar dut ndơl mờ jàu khà jờng, dơ̆ tơn jơh geh lơh tàm ngai 30/4 do. Dơ̆ pơrlòng nàng kờñ jờng rơ ală cau tam kơphe, phan kơphe bơkah mờ mpồl lơh kơphe tơl khà bơkah; yal tơnggit kơphe gar bơkah Việt Nam tus mờ cau ngui, cau pơr măi kơphe tàm lơgar mờ lơgar ndai.

Cau mblàng K’Duẩn