VOV4.K’ho- Ƀộ Nông nghiệp mờ Phát triển Nông thôn pa geh sră nggal pơyoa Bộ Tài Cíñ in bè bơta ngui phơng sih nam 2021, kờp dŭ lài jơnau kờñ ngui phơng sih tàm nam 2022.

Jat hơ̆, Ƀộ Nông nghiệp mờ Phát triển Nông thôn sồr Ƀộ Tài Cíñ kơlôi sơnơng, sền sơwì broă lơh dong kờl dia tăc mờ lơgar ndai gơwèt mờ ală phơng sih ure, DAP, MAP mờ pơgồp bal mờ ală Ƀộ, ngàñ ală broă lơh gròi sền tăc mờ lơgar ndai gơwèt mờ phơng ure, DAP, MAP nàng gàr niam khà tăc phơng tàm lơgar ndai tàm bơta khà tăc phơng ờ hoan geh ngan bè tŭ do, giă tăc phơng sih tàm drà kă bro dunia mờ tàm lơgar sùm gơguh uă, gơlik geh kal ke, lơh gơrềng dờng ngan tus broă lơh sa suơn sre, bơta tàm pơrlòng bơh phan lơh geh bơh lơh sa suơn sre mờ rài kis làng bol lơh broă sa dê, ngan là tàm tơngai kal ke tài gơrềng bơh trồ tiah lơh aniai, kòp jê jŏ jòng. Tàm tơngai tus, drà kă bro phơng sih kung gam gơlik geh kal ke, ờ gơtùi gĭt lài bè giă tăc mờ khà phơng tăc .

Cau mblàng K’Hạnh