Gah ròng phan tŭ do geh tus 25,2% tàm kờp jơh priă lơh geh bơh gah lơh broă sa sươn sre dê. Tàm ală nam do, gah ròng phan Việt Nam lơh geh uă broă bơtàu tơnguh kwơmàng gơguh jơh bal bè cồng nha lơh geh mờ bơta niam lơh geh bơnàng jă ai gah ròng phan kă bro bơtàu tơnguh bal mờ bơta tus bal bơh uă mpồl lơh sa kă bro dờng dê, bơh sơnrờp lơh geh ală broă lơh bal tàm broă lơh gơlik mờ tăc mờ lơgar ndai phan lơh geh bơh ròng phan.

Thứ trưởng ồng Phùng Đức Tiến sồr ờ gŏ lời ală mpồl, mpồl lơh sa kă bro lơi ơm bơdìh ală broă lơh gơlik phan bơh gah ròng phan dê

Ồng Nguyễn Thanh Sơn, Củ tịc Ală mpồl ròng siam phan bàr nơm jơng Việt Nam, đơs là: pal sền swì wơl bơta tàm gơrềng mpồl lơh broă đah ală anih lơh broă ătbồ dà lơgar mờ ală Mpồl nàng tă bơsong ală kal ke, sồr geh ală gùng dà broă lơh wèt tus bơ̆t bơtàu tơl gah phan tàm ală broă lơh gơlik phan bơh gah ròng phan dê, sền dờng màng tơnguh uă bơta niam phan bơna ròng phan dê. Ală gah geh gơrềng pal ơm nggui wơl bal mờ gơ̆p ờs mờng pah nhai, cih jơnau yal nàng kờñ dong mpồl lơh sa kă bro di tŭ tă bơsong kal ke, dong kờl tơl gah phan tàm gah broă lơh ròng phan bơtàu tơnguh.