Jat cơldŭ lơh broă lơh broă bal bơtàu tơnguh lơh sa suơn sre kơ̆ kơljap tàm Việt Nam, gah biăp plai đo neh lơh geh ală cồng nha kwơ màng tă pơgồp tàm gơguh lơh sa bơh gah lơh sa suơn sre tàm ală nam do. Dilah nam 2017, priă lơh geh bơh tăc biăp plai đo mờ lơgar ndai lơgar Việt Nam lơh geh 3 tơmàn 600 tơlak dolar Mỹ, geh rlau 10% priă lơh geh bơh tăc phan bơh gah lơh sa suơn sre, phan brê bơnơm, phan tàm dà mờ lơgar ndai, mìng kờp is bơh 11 nhai nam do dê, giă tăc phan biăp plai đo mờ lơgar ndai kờp dŭ lơh geh 3 tơmàn 100 tơlak dolar Mỹ, gơguh 30% pơndrờm dùl tŭ bal mờ nam lài.

Tus tŭ do, biăp plai đo Việt Nam neh geh mat tàm 10 drà kă bro dờng ngan rlau jơh tàm dunia, tàm hơ̆ geh lơgar Lo, Mỹ, Hàn Quôk mờ Nhờk. Ală jơnau cih tă pơgồp bal tàm dơ̆ cribơyai kung cribơyai bè ală bơta kal ke bơh ală broă lơh tam phan, lơh gơlik phan, drà kă bro kung bè geh jơnau đơs bè ală gùng dà pơlam mờ gùng dà broă lơh tàm bơtàu tơnguh gah tam biăp plai do Việt Nam dê tơngai bơh nam 2022-2025 mờ jơnau kờñ tă pơgồp tàm broă lơh jŏ jòng bơtàu tơnguh lơh sa suơn sre mờ ƀòn lơgar kơ̆ kơljap tơngai bơh nam 2021-2030, rơndap broă lơh tus nam 2050 neh geh Thủ tướng Cíñ phủ ring bal.