Bơyai lơh drà Ƀòn Broă lơh mờ Phan bơna OCOP Việt Nam dơ̆ 18 mờ Dơ̆ pơrlòng phan lơh mờ tê niam chài nam 2022 là bàr broă lơh tờm gơ ơm tàm dùl ròt 7 broă lơh bơh broă lơh “Festival ƀòn broă lơh Việt Nam nam 2022” bơh Ƀộ Nông nghiệp mờ Phát triển Nông thôn Việt Nam đơng lam bơyai lơh.

Phan bơna OCOP Dăk Lăk tàm cơldŭ ràng tăc phan (rùp cùp ngan ngồn)

Lam lơh Broă rơndăp lơh bơtàu tơnguh lơh broă sa sươn sre mờ ƀòn lơgar kơ̆ kơl jăp jŏ jòng tơngai bơh nam 2021- 2030, broă rơndăp lơh tus nam 2050; Broă lơh jơnau kờñ dà lơgar bơ̆t bơtàu ƀòn lơgar pa tơngai bơh nam 2021- 2025, bơyai lơh drà Ƀòn Broă lơh mờ Phan bơna OCOP Việt Nam dơ̆ 18 nàng kờn yal tơngĭt mờ jờng rơ ală ƀòn broă lơh ờs mờng bơh yau; ală cau chài lơh phan, cau chài lơh phan jak geh ală phan bơna pơnrơ ngan, yal tơngĭt ală broă lơh ƀòn broă lơh, drà broă lơh niam bơnĕ krơi is ngan tàm gùt lơgar; Yal tơngĭt broă lơh Tơl xã dùl phan bơna (Broă lơh OCOP), jòi drà tăc bro ală phan bơna OCOP, bàr pe phan bơna bơkah pơnrơ is bơh ală tiah dê bal mờ ală drà tăc bro ờs mờng bơh yau mờ drà pa tŭ do dê.

Mơkung gơhòi gơ jà bơcri priă, hòi jà bơtàu tơnguh bơta pràn niam chài nhơl chờ mờ gah broă lơh ƀòn lơgar, lơh wơl mờ bơtàu tơnguh broă lơh; sơlơ tàm tơrbŏ bal ală anih lơh gơlik phan bơh tŭ lơh gơlik tus tŭ tăc bro, bơtàu tơnguh phan bơna kơ̆ kơl jăp, đềt mềr mờ tiah ơm kis...