VOV4.K’ho- Tàm kơnhoàl Krông Pach, càr Dăk Lăk pa gơlik geh dơ̆ càl walbong lơh gơ pừ uă tờm sầu riêng. Dơ̆ càl walbong gơbàn tàm mang ngai 16/06 tàm thôn ngai 19 nhai 05 mờ dùl bơnah thôn Tân Lập, xã Ea Yông.

Tŭ do, ală kwang bàng, cau lơh broă tàm Cơldŭ lơh broă Lơh broă sa mờ Bơtàu tơnguh Ƀòn lơgar kơnhoàl dê gam pơgồp bal mờ Ủy ƀan Ñân zân xã Ea Yông bơyai lơh lòt kờp sền, tơrgùm kờp wơl hoàc hươr, yal mờ Ủy ƀan Ñân zân kơnhoàl in geh gùng dà dong kờl làng bol. Jăt jơnau yal dùl êt, geh 250 tờm sầu riêng gơtìp gơpừ, hoàc hươr pơgăp 400 tấn plai. Tàm thôn Tân Lập geh 2 hìu làng bol gơtìp gơ pồ rơkàng, uă tờm sầu riêng gơtìp hoàc hươr, gơjrùh pơgăp 10 tấn plai. Kờp jơh hoàc hươr kờp dŭ pơgăp 10 tơmàn đong.

Cau mblàng Lơ Mu K’Yến