VOV4.K’ho - Drim òr (21/04), Sở Khoa họk mờ Kông nghệ càr Gia Lai bơyai lơh yal sră nggal dong kờl ai ờ uă phan geh lơh bơh broă lơh sa suơn sre tờm, phan bơkah càr dê.

                                   Biăp Đăk Pơ geh ràng tơlik tàm dơ̆ jào sră dong kờl

5 bơta phan lơh sa suơn sre tờm càr Gia Lai, geh Kụk ngui bơta ngăc ngar jào sră nggal dong kờl, tàm hơ̆ geh: Tiêu Chư Sê, phở khô Gia Lai, biăp Đăk Pơ, phe Ia Lâu-Chư Prông, kơnrồ Krông Pa-Gia Lai, ai cau tờm ngui là UɃÑZ càr Gia Lai, Sở Khoa họk Kông nghệ mờ ală kơnhoàl Đak Pơ, Chư Prông, Krông Pa. Bơdìh hơ̆ tai, càr Gia Lai gam lơh jăt ală broă lơh nàng ai geh gơnoar ngui 4 khà măt phan geh dờp: Bùm lô Lệ Cần-Đăk Đoa, chôm chôm Ia Grai, plai màk Gia Lai, dà lơwe bơkào kơphe Gia Lai mờ 1 anih ai phan kơphe Gia Lai.

Cau mblàng Ndong Brawl