Càr Kon Tum kal ke ơpah cau pĭc plai kơphe
Thứ tư, 14:29, 02/11/2022
VOV Tây Nguyên/Cau mblàng Ndong Brawl
VOV Tây Nguyên/Cau mblàng Ndong Brawl
VOV4.K’Ho- Tàm càr Kon Tum, plai kơphe neh dum uă mờ kung ndrờm bè ală kàl lài do sơl, broă cau tam kơphe tàm càr do gơtìp kal ke nàng ơpah cau pĭc den gam gơtìp tai.
Ală ngai bồ kàl pĭc plai kơphe nam 2022-2023, khà priă ơpah pĭc 1 tạ plai kơphe ris tàm kơnhoàl Đăk Hà, càr Kon Tum neh tàm khà 90 rơbô đong tus 100 rơbô đong.
Cau lơh broă bơh càr ndai tus kơnhoàl Đăk Hà, càr Kon Tum nàng pĭc plai kơphe
Mờ ală bă ù tam kơphe geh cồng nha tơnhào ờ uă, pal lòt ngài, ù tiah kal ke khà priă pĭc plai kơphe tơl tạ geh bơh 100 rơbô đong rơlao hờ đang. Kơnhoàl Đăk Hà là tiah tam kơphe uă ngan càr Kon Tum dê, mờ rơlao 15 rơbô lồ gam tàm tơngai geh plai. Nàng pĭc jơh bă ù do, kơnhoàl Đăk Hà kờñ pal geh 15 rơbô nă cau. Mpồl lơh broă tàm tiah do tơn kơnhoàl dê mìng di pal mờ 11 rơbô nă, gam 4 rơbô nă gam tai gơrềng tàm cau lơh broă hờ bơdìh càr.
Viết bình luận