VOV4.K’ho- Mho ngai 07/10, Anih tờm Bơto pơlam lơh broă sa sươn sre Dà lơgar pơgồp bal mờ Sở Nông nghiệp mờ Phát triển Nông thôn càr Quảng Trị bơyai lơh dơ̆ Cribơyai tàm yal tơngĭt mờng chài lơh kơrnoăt pal jăt lơh broă Mpồl bơto pơlam lơh broă sa sươn sre mpồl bơtiàn. Jơnau kờñ ngan ngồn bơh rơndăp broă lơh dê là bơ̆t bơtàu mpồl ală Mpồl bơto pơlam lơh broă sa sươn sre mpồl bơtiàn lơh geh jơnau kờñ tiah tam phan lơh geh tơl jơnau sồr tàm 13 càr mờ ƀòn dờng tàm gùt lơgar, tơnơ̆ hơ̆, rề ơnàng lơh uă tus ală càr ndai.

Anih tờm Bơto pơlam lơh broă sa sươn sre Dà lơgar neh jàu 10 nơm rơndeh par ờ geh cau măy

Tàm dơ̆ lơh broă do, Sở Nông nghiệp mờ Phát triển Nông thôn càr Quảng Trị yal Kơrnoăt lơh tơrlòng lài Mpồl Bơto pơlam lơh broă sa sươn sre mpồl bơtiàn mpồl Hải Lăng- Triệu Phong mờ Mpồl Bơto pơlam lơh broă sa sươn sre mpồl bơtiàn mpồl Vĩnh Linh- Gio Linh- Cam Lộ. Di tàm dơ̆ do, Anih tờm Bơto pơlam lơh broă sa sươn sre Dà lơgar neh jàu 10 nơm rơndeh par ờ geh cau măy ai 2 Mpồl Bơto pơlam lơh broă sa sươn sre mpồl bơtiàn càr Quảng Trị in; mơkung bơyai lơh dơ̆ kĭ hơ jơnau ring bal lơh broă bal đah Anih tờm Bơto pơlam lơh broă sa sươns re dà lơgar, Sở Nông nghiệp mờ Phát triển Nông thôn càr Quảng Trị mờ Kông ty Trăc ñiệm Hữu hạn Tiến Phong Cam Lộ nàng rề ơnàng ù tiah tam chi ai dơm chi lơh geh tơl jơnau sồr.

Cau cih VOV Tây Nguyên- Cau mblàng Lơ Mu K’Yến