VOV4.K’ho- Ngai 16/9, Mpồl cau lơh broă sa càr Dăk Lăk bơyai lơh Cribơyai “Cau lơh broă sa sơn đờm mut lơh broă, bơceh pa tàm tŭ tơngai tam gơl sồ bơh ală phan OCOP”. Tus tŭ do, càr Dăk Lăk geh 72 phan geh dờp là phan OCOP bơh 3 tus 4 sơmañ, gơ wèt ală mpồl phan lơh sa suơn sre tờm ngan gơ jat bal mờ bơta pràn bơh càr dê bè kơphe, tiêu, ƀơ, sầu riêng.

                     Dăk Lăk bơyai lơh cribơyai cau lơh broă sa sơn đờm mut lơh broă, bơceh pa

Tàm cribơyai, ală kwang bàng tơrgùm cribơyai ală tơngume gơ rềng tus broă đal git ală phan lơh sa suơn sre gơ jat bal mờ bơta pràn bơh tơl tiah dê nàng geh gùng dà bơtàu tơnguh phan bơna di pal. Mờ kung jòi tŭ niam nàng rề ơnàng drà kă bro, tơnguh mat kă bro phan lơh gơs bơh tơl mpồl dê tŭ lơh jat broă lơh OCOP. Ală kwang bàng kung pin dờn, tam gơl sồ tàm lơh sa suơn sre là pal geh, dong broă ai tơlik broă lơh mờ ngui priă jền niam rlau, dong tơnguh cồng nha lơh geh, bơta niam, cồng nha lơh sa mờ tac phan lơh gơs, mờ kung lơh gơlik ròt bơta kuơ phan lơh gơs bơh suơn sre kơ̆ kơljap.

Cau mblàng K’Duẩn