VOV4.K’ho- Tàm ƀòn dờng Buôn Ma Thuột, Mpồl cau lơh broă sa càr Dăk Lăk bơyai lơh sơnđờm mŭt lơh Tơngleh yal tơngĭt, tăc bro phan lơh gơs bơh sươn sre pơnrơ ngan càr Dăk Lăk dê nam 2022 mờ lam lơh srơh tàm pơrlòng “Cau lơh broă sa lơh sa, kă bro phan lơh geh bơh sươn sre, phan sa ờdo ờdă gơ jăt bal mờ sền gàr tiah ơm kis”.

Koh biài sơnđờm mŭt lơh broă lơh

Geh lơh bơh tŭ do tus jơh ngai 13/07 tus, broă lơh Tơngleh tăc bro phan lơh geh bơh sươn sre pơnrơ ngan càr Dăk Lăk dê nam 2022 tam pà gơs 2 kâp, tàm hơ̆: bơh ngai 07- 09/07 bơyai lơh yal tơngĭt, tăc bro phan lơh geh bơh sươn sre càr dê mờ phơng sih sơnơm sền gàr phan tam drơng lơh broă sa sươn sre kông nghệ kao, lơh broă sa sươn sre hữu kơ. Bơh ngai 10- 13/07, kâp kơnhoàl bơyai lơh ală broă lơh ràng tơlik, yal tơngĭt, tăc bro phan lơh geh bơh sươn sre bơh tiah he dê. Broă lơh nam do geh 60 cơldŭ ràng tăc phan bơh Mpồl cau lơh broă sa ală kơnhoàl, thị xã, ƀòn dờng tàm càr Dăk Lăk dê mờ ală càr: Gia Lai, Kon Tum, Dăk Nông, Lâm Đồng, An Giang, ƀòn dờng Đà Nẵng tus bal.

 Cau mblàng Lơ Mu K’Yến