VOV4.K’ho- Bulah tìp uă kal ke tài bơh kòp dờng Kovid-19, mơya tăc mờ lơgar ndai ală bơta phan lơh geh bơh sươn sre tàm càr Dăk Lăk tàm nggùl nam 2022 kung gam gơguh tai uă ngan, geh mờr 20 rbô tơmàn đong (ndrờm mờ 845 tơlak dolar Mỹ), gơguh 60% pơndrờm bal dùl tŭ mờ nam lài.

Kơphê là phan tờm ngan cèng wơl priă jền bơh tăc mờ lơgar ndai uă ngan ai càr Dăk Lăk in

Tàm hơ̆, bơta phan kơphê kung gam là gah phan tờm ngan, geh tus 70% priă lơh bơh kă bro; pơn jăt hơ̆ là kau su, tiêu; gam wơl là ală bơta phan lơh geh bơh sươn sre ndai bè dà sŭt lơ we, phe, plai chi, biăp, bùm. Sở Kông thương càr Dăk Lăk pà gĭt, broă ală Hiệp địñ kă bro, bè: Hiệp địñ kă bro khăt gơboh is Việt Nam mờ EU, Hiệp địñ tam klăc lơh broă bal tơl làm mờ gơguh jak gùt Thái Bình Dương, Hiệp địñ kă bro tiah ASEAN geh ai ngui kung neh pờ tơlik tŭ niam ai ală mpồl lơh sa kă bro tăc phan mờ lơgar ndai tàm lơgar in đơs bal mờ Dăk Lăk đơs is gơtùi tăc geh phan tus ală drà dờng, bè: EU, Nhờk, Hàn Quôk, mpồl ală lơgar tàm tiah jum đah mat tơngai lik câu Á.

Cau mblàng Lơ Mu K’Yến