VOV4.K’ho- Ngai 20/9, tàm ƀòn dờng Buôn Ma Thuột, Ủy ƀan Ñân zân càr Dăk Lăk bơyai lơh Pơrjum tŭ niam mờ bơta lòng gơ wèt mờ phan lơh gơs bơh suơn sre tờm ngan càr Dăk Lăk dê tŭ Việt Nam tus bal tàm ală Hiệp địñ kă bro khat gơboh rài pa (FTA).

Gùt anih pơrjum

Jat jơnau yal tàm pơrjum, ală phan lơh gơs bơh suơn sre tờm ngan càr Dăk Lăk dê neh geh mat tàm rlau 80 drà kă bro tàm dunia mờ kơnhoàl ù tiah. Kuơmàng, ală phan bè kơphe, kau su, tiêu, dà lơ we neh mut tàm ală drà kă bro kal ke bè Mỹ, Nhờk, EU. Bulah bè hơ̆, khà priă tac hờ lơgar ndai ală bơta phan lơh gơs bơh suơn sre tàm càr Dăk Lăk ờ kơ̆ kơljap; phan lơh gơs bơh suơn sre tac hờ lơgar ndai uă ngan mìng lơh ing halà pal tac bơh lơgar lơh kòn gùng, den tàng bơta priă jền lơh geh gơmù uă.

Ồng Lê Thanh Hoà đơs tàm pơrjum

Cribơyai tàm pơrjum, ală cau jak chài đơs là, broă ai tơlik lài gùng dà ai broă lơh sa in là kuơmàng ngan, broă lơh sa geh bơta niam, gàr kloh niam ờdo ờdă phan sa bơh phan lơh gơs bơh suơn sre dê pal geh sền sơ wì nền nòn, gàr niam tơl khà bơta niam bơh drà kă bro tac hờ lơgar ndai mờ tàm lơgar dê, yal loh làng tơl jơnau tơnggit phan lơh gơs bơh suơn sre.

Cau mblàng K’Duẩn