VOV4.K’ho- Bơh ngai 15 tus ngai 18 nhai 9 tàm Hà Nội geh bơyai lơh “Drà ràng tơlik phan lơh lơh geh bơh lơh sa suơn sre Dunia dơ̆ 22 – AgroViet 2022” là jơnau yal geh ai tơlik tàm dơ̆ pơrjum băo bơh Anih tờm Hòi jà kă bro lơh sa suơn sre, Ƀộ Nông nghiệp mờ Phát triển Nông thôn bơyai lơh ngai 7/09 tàm Hà Nội.

Pơrjum băo AgroViet 2022

Jat Mpồl bơyai lơh, Drà ràng tơlik phan lơh geh bơh lơh sa suơn sre Dunia AgroViet 2022 kờp dŭ, geh mờr 100 mpồl lơh broă, mpồl lơh sa kă bro tàm lơgar mờ lơgar ndai tus bal, mờ 170 anih ràng phan. Tàm hơ̆ geh 28 anih ràng phan bơh ală mpồl lơh sa kă bro bơh lơgar ndai mờ uă phan bơna tus bal ràng tơlik pơn rơ ngan bè: bào ngư, dà lơwe Manuka, tơngi olive, zờu giấm, phan tĕ; pang sră bè kông nghệ tam phan, kông nghê dà pat lê gai... Ngan là, tơnơ̆ 2 nam tài bơh kòp Kovid-19 pal bơyai lơh jat broă lơh pờ tơlik tơn tàm internet, drà AgroViet 2022 dơ̆ do geh bơta tus bal bơh ală mpồl lơh sa kă bro bơh 6 lơgar tàm hơ̆ geh: Astralia, Nga, Nhờk, Lo, Thái Lan mờ Indonesia.

Cau mblàng K’Hạnh