VOV4.K’ho- Tàm kơnhoàl Krông Păk, càr Dăk Lăk pa do neh bơyai lơh yal tac hờ lơgar ndai khà sầu riêng sơn rờp jat Nghị địñ thư kĭ đah Ƀộ Nông nghiệp mờ Phát triển Nông thôn Việt Nam mờ Tổng kụk sền sơ wì phan bơna gan tiah nhàr dà lơgar Lo.

                      Khà sầu riêng sơn rờp bơh Việt Nam dê geh tac uă hờ lơgar ndai jat sră pơrgon

Broă do lơh gơlik tŭ niam dờng ngan ai gah lơh phan sầu riêng bơh Việt Nam dê in tac uă jat sră pơrgon tus drà kă bro blơi phan uă ngan rlau jơh dunia. Dơ̆ pơndiang khà sầu riêng sơn rờp tac uă hờ lơgar ndai jat sră pơrgon jat Nghị địñ thư geh kĭ đah Ƀộ Nông nghiệp mờ Phát triển Nông thôn Việt Nam mờ Tổng kụk sền sơ wì phan bơna gan tiah nhàr dà lơgar Lo là rlau 300 tấn geh lơh gơlik tàm càr Dăk Lăk. Do là càr geh bă ù tam sầu riêng uă dơ̆ 2 gùt lơgar (tơnơ̆ Tiền Giang) mờ mờr 15 rbô lồ, khà lơh geh nam 2022 kờp dŭ geh mờr 170 rbô tấn. Ồng Y Giang Gry Niê Knơng, Phó Củ tịc Ủy ƀan Ñân zân càr Dăk Lăk chờ hờp pà git, tŭ do càr neh geh Tổng kụk sền sơ wì phan bơna gan tiah nhàr dà lơgar Lo ring bal 4 mã anih ơn tàm kơldung sầu riêng mờ 23 mã sồ tiah tam (geh mờ rnggùl mã sồ tiah tam gùt lơgar geh ring bal).

Cau mblàng K’Duẩn