VOV4.K’ho- Kàl lơh sa nam do, ală hìu măi lơh ƀòk bùm blàng tàm càr Kon Tum gam ơm tềng đap jơnau pơhìn ờ tơl bùm blàng nàng lơh ƀòk. Nam do, càr Kon Tum geh bă ù tam bùm blàng rlau 39 rbô 300 lồ, mờ cồng nha tơnhàu kờp bal mìng geh mờr 15 tấn tàm 1 lồ.

Tờm bùm blàng gơtìp kòp croañ nha lơh aniai den tàng lơh gơlik tus khà tơnhàu bùm blàng bơh càr Kon Tum dê

Bal mờ hơ̆, bùm blàng gơtìp kòp croañ nha lơh aniai den tàng lơh gơ rềng tus cồng nha tơnhàu, geh tŭ, 2, 3 tiah tam bùm blàng làng bol pal dus sang nàng chu pơrguc. Càr Kon Tum tŭ do geh 8 hìu măi lơh ƀòk bùm blàng, jơnau pơhìn ală hìu măi ờ tơl bùm ƀlàng nàng lơh gơlik phan là bơta ờ gơtùi pleh. Ồng Nghiêm Đức Thuần, Kwang atbồ dờng Kông ty Kổ phần blơi mờ tac hờ lơgar ndai phan bơh suơn sre Vina pà git: Khà lơh geh bùm blàng dê mìng geh 15 tấn tàm 1 lồ là lơyah ngan den tàng ờ tơl bùm blàng drơng ai ală hìu măi lơh gơlik phan in. Ală hìu măi pal lòt ală càr ndai, kờp bal lòt tus lơgar Lào nàng blơi bùm blàng cèng rê lơh gơlik phan. Pah nam, 8 hìu măi lơh ƀòk bùm blàng tàm càr Kon Tum lơh gơlik geh mờr 320 rbô tấn phan bơna.

VOV Tây Nguyên/Cau mblàng K’Duẩn