VOV4.K’ho- Kờp tus jơh nhai 09 pa do, càr Kon Tum neh tam pa geh rlau 4 rbô 700 lồ brê sơrlèt broă rơndăp lơh neh jàu tàm nam 2022 do. Jơnau yal bơh Ci kụk Kiểm lâm càr Kon Tum dê pà gŏ, kờp tus jơh nhai 09 pa do, ală cau tờm brê, anih lơh broă, ƀòn lơgar tàm càr neh tam geh rlau 4 rbô 700 lồ brê, sơrlèt rlau 200 lồ pơndrờm mờ broă rơndăp lơh càr dê neh jàu tàm nam do. Tàm hơ̆, 5 kơnhoàl, ƀòn dờng tam brê sơrlèt broă jàu tàm broă rơndăp lơh neh jàu dê, tàm hơ̆ geh: Sa Thầy, Đăk Hà, Đăk Glei, Kon Rẫy mờ ƀòn dờng Kon Tum.

Brê chi ƀạc đàn cự vỹ tam tàm xã Đăk Kan, kơnhoàl Ngọc Hồi, càr Kon Tum

Bơta chi brê geh càr Kon Tum tam uă ngan là nho pe nha, ƀạc đàn cự vỹ, dổi....Ồng Nguyễn Văn Nam, Phó Kwang ătbồ Ci kụk Kiểm lâm càr Kon Tum pà gĭt: Broă lơh sền gàr nàng gơ in ờ gơtìp ồs sa brê kung bè sền gàr nàng gơ in ờ gơtìp tu lơh aniai là bàr kơnòl broă mờ tơngai tus mpồl kiểm lâm pal jơh nùs lơh jăt. Gơnoar ătbồ xã, sơnah ƀòn pal jơh nùs dong kờl, mŭt lơh bal mờ dùl nùs bal mờ mpồl kiểm lâm nàng rềp mềl mờ làng bol, nàng sùm sồr ngan, bơto tơngkah, bơto sồr hòi jà làng bol sền gàr cồng nha neh lơh geh.

Cau cih VOV Tây Nguyên- Cau mblàng Lơ Mu K’Yến