VOV4.K’ho - Mờ tơngu me jòi geh broă nàng bơsong kal ke dong kờl broă tơrgùm ù sre tàm càr geh bơyai lơh pràn kơl dang, ndrờm bal, di pal mờ bơta geh mùl màl, ngai òr (20/09), tàm kơnhoàl Kon Rẫy, Mpồl tam klăc ală Mpồl Khoa họk mờ Kỹ thuật càr Kon Tum pơgồp bal mờ Sở Nông nghiệp mờ Phát triển Nông thôn, Sở Tài nguyên mờ Môi trường, UɃÑZ kơnhoàl Kon Rẫy bơyai lơh pơrjum cri bơyai khoa họk “Tơrgùm tam gơl ù lơh sa suơn sre nàng lơh bă sre dờng tàm càr Kon Tum.

Geh 18 jơnau đơs bal mờ uă jơnau cri bơyai tàm pơrjum neh lơh loh tai bơta kwơ bơh broă tơrgùm ù tiah lơh sa suơn sre nàng lơh bă sre dờng tàm càr Kon Tum. Mờ mblàng, ai geh ală broă lơh nàng bơsong kal ke tàm broă lơh jăt bè: broă tơrgùm ù tiah mìng rơ̆p geh ơm tàm broă pơgồp bal lơh, ờ hềt geh rơndăp broă, lơh niam bă sre lơh gơs bă sre dờng ơnàng; Làng bol gam geh nùs nhơm ngòt roh gơnoar ngui ù; Broă ngui kông nghệ kao tàm broă lơh gam ờ uă.

Cau mblàng Ndong Brawl