VOV4.K’ho - Tàm “Pơrjum hòi jà bơcri priă mờ tơnguh bơtàu phan geh lơh bơh broă lơh sa suơn sre, lơh sa suơn sre kơl jăp nam 2022”, UɃÑZ kơnhoàl Krông Păc, càr Dăk Lăk neh yal tus ală cau bơcri priă, ală mpồl lơh sa kă bro in bè bơta geh, bơta kwơ, jơnau kờñ tơnguh bơtàu, gùng dà hòi jà bơcri priă bơh kơnhoàl dê tàm tơngai bơh nam 2021 tus 2025.

Tàm gah lơh sa suơn sre, kơnhoàl Krông Păc gam hòi jà bơcri priă tàm 10 rơndăp broă lơh, kờp jơh khà priă bơcri kờp dŭ geh di pơgăp 650 tơmàn đong, ai lài ală rơndăp broă lơh sa suơn sre hữu kơ, lơh sa suơn sre ngui kông nghệ kao pơgồp bal mờ lơh sa mờ măi mŏk tàm broă lơh. Bơh “Pơrjum hòi jà bơcri priă mờ tơnguh bơtàu phan geh lơh bơh broă lơh sa suơn sre, lơh sa suơn sre kơl jăp kơnhoàl Krông Păc nam 2022” kơnhoàl kơ̆p kờñ geh pơn jăt tai hòi jà geh bơta pràn bơcri priă, pơgồp bal tàm broă chồl pràn lơh sa mpồl bơtiàn tơnguh bơtàu mờ lơh gơs jăt jơnau kờñ bơh Nghị quyết pơrjum dờng Đảng ƀộ kơnhoàl tơngai bơh nam 2020 tus 2025 neh geh ai.

Cau mblàng Ndong Brawl