VOV4.K’ho- Kòp croañ nha bùm blàng gam pơn jăt tai lơh bơtờp uă tàm ală kơnhoàl tiah đah jum càr Gia Lai. Krông Pa là tiah geh bă ù tam bùm blàng dờng ngan rlau jơh càr Gia Lai mờ rlau 21 rbô lồ. Kàl mìu nam 2022 neh geh tus rlau 4 rbô lồ bùm blàng gơtìp kòp croañ nha. Ndrờm bè hơ̆ sơl, tàm kơnhoàl Phú Thiện, kàl do tam 6 rbô lồ bùm blàng, tŭ do geh rlau 50 lồ gơtìp kòp croañ nha mờ khà gơ aniai tờm bùm blàng bơh 5 tus 30%.

Kòp croañ nha bùm blàng gơbàn tàm bàr pe sơntìl, bè KM98, KM419, KM140. Gơbàn jơnau do là tài bơh làng bol khăt nùs is ơn prăp gơl bùm ờ geh sac rwah, blơi sơntìl ờ gĭt loh anih lơh gơlik den tàng khà bơtờp kòp uă. Tềng đăp bơta kòp croañ nha bùm blàng lơh aniai tàm ală tờm bùm blàng tàm ală nam rềp ndo, gah lơh broă geh gơnoar ală tiah tàm Gia Lai neh sồr làng bol lơh broă sa lơh jăt jơnau sồr tam tàm pơdar tờm chi tam, ngui ală bơta sơntìl pa geh tơl pràn sơndră wơl kòp uă, rwah sơntìl goh ờ geh kòp...

Cau mblàng Lơ Mu K’Yến