VOV4.K’ho - Mho òr (21/07), tàm ƀòn dờng Buôn Ma Thuột, càr Dăk Lăk, Kụk hòi jà kă bro pơgồp bal mờ ală Mpồl kă bro Việt Nam tàm câu Phi bơyai lơh dơ̆ pơlam pờ tơlik tàm internet tăc kơphe tus tàm drà kă bro câu Phi nàng dong kờl ală càr, mpồl lơh sa kă bro, hợp ták xã lơgar Việt Nam dê jòi mpồl lơh broă bal, pơgồp mpồl lơh sa kă bro.

Jăt jơnau bơh Ƀộ Kông Thương yal, câu Phi là drà kă bro kờñ uă ngan bè kơphe. Pah nam, câu Phi ai di pơgăp 750 tơlăk dolar Mỹ nàng blơi kơphe. Tàm hơ̆, lơgar Việt Nam là 1 tàm 5 drà kă bro tờm ngan. Bơdìh mờ broă tăc bè ờs, geh ờ uă khà măt kă bro kơphe neh lơh gơs bơh lơgar Việt Nam dê bè Trung Nguyên, King Coffee... kung sền gròi ngan tus tàm tiah do. Tus bal dơ̆ pơlam, ồng Lê Văn Vương, Kwang atbồ kông ty TNHH Vương Thành Công pà git, do là dơ̆ niam nàng mpồl lơh sa kă bro iăt, tam pà bal bơh ală cau jăk chài drà kă bro, bơh tŭ hơ̆ pleh mờ ală bơta rềs àr pơlai ngan tŭ tăc kơphe tus tàm drà kă bro ală lơgar câu Phi.

Cau mblàng Ndong Brawl